ՙՙՙՙԱՊԱՄՈՆՏԱԺՈՒՄԸ ՄԱՄՈՒԼԻՑ ԹԱՔՈՒՆ ԹՈՂ ՄՆԱ...

ՙԱՊԱՄՈՆՏԱԺՈՒՄԸ ՄԱՄՈՒԼԻՑ ԹԱՔՈՒՆ ԹՈՂ ՄՆԱ...

Կինոռեժիսոր Տիգրան Խզմալյանը դեռեւս նախորդ ուրբաթ հանդես էր եկել Մաշտոցի պուրակում գտնվող կրպակների ապամոնտաժման նախաձեռնությամբ, որին պետք է մասնակցեին մի խումբ հասարակական գործիչներ, այդ թվում` գրանտակերներ: Սակայն անհայտ պատճառներով այն հետաձգվեց, եւ երեկ ժամը հինգին պետք է տեղի ունենար ժողով, որտեղ ՙհանրային ապամոնտաժողները՚ պետք է որոշումներ կայացնեին: Այս կապակցությամբ մենք զրուցեցինք պարոն Խզմալյանի հետ, որպեսզի պարզ դառնա իրողությունը. ՙՈչինչ չի փոխվել, եւ մենք քննարկում ենք ապամոնտաժման եղանակները, կազմը եւ մնացած տեխնիկական հարցերը: Մեզանից ոստիկանությունը եւ որոշ պաշտոնյաներ խնդրեցին երեք օր, իսկ երեկ արդեն երեք օրը լրացավ, եւ մենք պետք է հավաքվենք ժամը հինգին ապամոնտաժողների ընդհանուր կազմով, որպեսզի որոշենք գործողությունները՚: ՙՀնարավո±ր է, որ այդ քննարկումները կրկին երկարաձգվեն եւ ամիսներ տեւեն՚,- հարցին պարոն Խզմալյանը պատասխանեց. ՙՉեմ կարծում, որովհետեւ խոսքը գնում է տեխնիկական մանրամասնությունների մասին, իսկ ցանկացողները շատ են եւ հնարավոր չէ երկարաձգվի, պարզապես պետք է մեր գործողությունների ընթացքը կազմակերպենք: Ժամը հինգին դժվար սկսենք ապամոնտաժել, քանի որ մութը շուտ է ընկնում, եւ հավանաբար դա կարվի ցերեկով, որը պարզ կդառնա ժողովից հետո՚:
Երեկոյան երբ կրկին զանգահարեցինք պարոն Խզմալյանին, նա նշեց հետեւյալը. ՙԺողովին որոշվեց հետագա գործողությունների ընթացքը, որին դուք կծանոթանաք իրադարձությունների ընթացքում, մենք որոշ ժամանակ չենք հրավիրելու մամուլին նախօրոք, որովհետեւ ոստիկանության համար մամուլի առկայությունը կարծես ցավոտ է, դրա համար որոշեցինք թողնել իրենց միայնակ մեր դեմ: Ապամոնտաժումը անընդհատ ընթացքի մեջ է, ավելի ստույգ ժամկետներ ձեզ ասել չեմ կարող, որովհետեւ չեմ ցանկանում օգնել ոստիկանությանը՚:

ԱՐՄԵՆՈՒՀԻ ՀԱԿՈԲՅԱՆ