Ինչեր ասես, որ չես տեսնի ընտրարշավում:

Ինչեր ասես, որ չես տեսնի ընտրարշավում: Այսպես, հռչակավոր էջմիածնեցի ՀԱԿՈԲ ՀԱԿՈԲՅԱՆԸ ոչ ավել, ոչ պակաս... մտադիր է ընտրողների հետ հանդիպումներն անցկացնի գիշերները, ու մի բան էլ այդ հանդիպումներին հրավիրի ԵԱՀԿ դիտորդներին: Բացատրությունը բավականին զարմանալի է` որ մրցակից թեկնածուն հանկարծ չտեսնի, թե ընտրողներից ով է գալիս հանդիպման: Չէ, առանց ընտրությունների մեր կյանքը բավականին տխուր կլիներ: Լավ է` գոնե ընտական տեխնոլոգիաների մեջ դեռեւս չեն մտցրել այնպիսի գործընթացներ, ինչպիսիք են, ասենք` թուղթուգիրը:
Իսկ որ ամեն ինչ հնարավոր է, երեւում է մամուլում հայտնված հետեւյալ տեղեկատվությունից` որ Արմավիրի մարզի Հայկաշեն գյուղում գյուղացիներին ՀՈԳԵՀԱՆԳՍՏԻ արարողությունից կանչեցին դուրս, որպեսզի նախընտրական նվերներ բաժանեն օղու եւ սուրճի տեսքով: Զարմանալի է` ամեն ինչ տեսել էինք, բայց որ ընտրակաշառք տրվի ՙքելեխի արաղի՚ տեսքով, դա չէինք պատկերացնում: Դե ինչ, զարմանալով հանդերձ, մնում է փորձել բաժանած սուրճի մրուրով գուշակել, թե քանի տոկոս կստանան այդպիսի ՙնվեր՚ բաժանողները:
Ընտրություններում հետաքրքիր անակնկալներ են տեղի ունենում բարձր տեխնոլոգիաների պատճառով: Խոսքը տվյալ դեպքում, սակայն, ոչ թե զուտ հայկական ՙբարձր տեխնոլոգիաների՚ մասին է, ասենք, ի դեմս գիշերային հանդիպումների կամ ՙքելեխակաշառքի՚, այլ իսկական` համակարգչային: Այսպես, տարածվել էր բավականին զվարճալի տեղեկություն, որ 9-րդ ընտրատարածքի 9-րդ տեղամասի ընտրողների ցուցակում առկա են 562 ԼՈՒՍԻՆԵՆԵՐ: Եվ գլխավոր դատախազության ուսումնասիրության արդյունքում պարզվել է զարմանալի բան` ցուցակների մշակման համար նախատեսված համակարգչային ծրագրում սխալ գործողության պատճառով միանգամից 562 քաղաքացիներ դարձան Լուսինե: Դե ինչ, լավ է` գոնե Ֆրիդոն կամ Գվիդոն չեն դարձել:
Նոր, զարմանալի հանցատեսակ է ի հայտ եկել Երեւանում` ավտոմեքենաների ՊԵՏՀԱՄԱՐԱՆԻՇՆԵՐԻ գողությունը: Ճիշտ է` Հայաստանում` ի տարբերություն Ռուսաստանի, առայժմ ոչ ոք գողացած համարանիշների դիմաց փրկագին չի առաջարկում, բայց, այնուամենայնիվ, դա արդեն դարձել է տարածում ունեցող տհաճ խնդիր: Զարմանալի է` հանուն ինչի± են թռցնում համարանիշները` գունավոր մետաղների ընդունման կետ հանձնելո±ւ, թե± զուտ խուլիգանական մղումներից ելնելով: Սակայն դրա դեմ էլ մեր հայրենակիցները գտել են էժան, բայց արդյունավետ միջոց. պետհամարանիշը ամրացնում են սովորական բոլտով եւ պնդօղակով, որոնք ժանգոտելուց հետո քանդելը դառնում է մեծ գլխացավանք:  
Վերջերս զարմանալիորեն շատացել են տարատեսակ գույնզգույն փոքրամասնությունների պաշտպանները: Մե°կ հայտնի սատանիստը ՙբոյկոտ՚ է հայտարարում բոլոր այն ԶԼՄ-ներին (այդ թվում եւ մեզ), որոնք վատ են վերաբերվում ՙերկնագույններին՚, մե°կ էլ սոցցանցերում ինչ ախմախություններ է գրվում քաղաքացիների հավասար իրավունքների մասին: Լավ, հասկացանք, ՙՖեյսբուքի՚ երեսը, ժողովրդի խոսքով ասած, ՙպադոշ ա՚: Սակայն զարմացանք, երբ հայտնաբերեցինք ՀՀՇ-ական ծագումնաբանությամբ ՙգրող՚ ՄԱՐԻՆԵ ՊԵՏՐՈՍՅԱՆԻ ՙԱյդ տրանսվեստիտը ես եմ՚ վերնագրով հոդվածը, ուր երկար ու բարակ փիլոյաբանություն էր, թե ինչպիսի անթույլատրելի բան էր, որ բնապահպան Մարիամ Սուխուդյանը համարձակվել էր իր էջում դնել ՙՈ°չ բուտիկներին, ո°չ պուպսիկներին՚ պաստառը: Ուստի զարմանալով հանդերձ` չենք կարող չհարցադրել. գրողը տանի, վերջապես ե±րբ է գալու այն ժամանակը, երբ Գրողների միության ցուցակները մաքրվելու են այն կերպարներից, որոնք նույնքան հեռու են գրականությունից, որքան խոզը` տուռնիկից:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ