ԵՀՈՎԱԿԱՆՆԵՐԸ ՄՈՍԿՎԱՅՈՒՄ ՓՆՏՐՈՒՄ ԵՆ ՀԱՅԵՐԻՆ
Արխիվ 12-16
| ՀԵՏԱՔՆՆՈՒԹՅՈՒՆ |
ԵՀՈՎԱԿԱՆՆԵՐԸ ՄՈՍԿՎԱՅՈՒՄ ՓՆՏՐՈՒՄ ԵՆ ՀԱՅԵՐԻՆ
Մոսկվայաբնակ մեր հայրենակցուհիներից մեկը իր բլոգում նկարագրել է բավականին տարօրինակ իրադարձություն. ՙՄետրոյի վագոնում եմ: Կողքս նստում է ամբողջովին սլավոնական դիմագծերով մի աղջիկ: Եվ հանկարծ հարցնում է.
- Կներես, դու հա±յ ես (հարցը հնչում է հայերեն):
Զարմացա: Այնուհետ նա լավ հայերենով բավականին վարժ սկսեց պատմել, որ 2 տարի է հայերեն է սովորում սկզբում տարատեսակ դասընթացներում, իսկ հետո ինքնուրույն եւ ամեն ինչ` աշխատանքի բերումով: Սկզբում աշխատանքի վերաբերյալ հարցերից խուսափում էր, բայց վերջում հայտարարեց, որ մենք ապրում ենք վերջին ժամանակներում:
Նա նշեց, որ սովորում է հայերեն, քանի որ Աստվածաշնչում մի կարեւոր բան է գրված, իսկ հետո պայուսակից հանեց Աստվածաշունչը հայերեն, սկսեց Մաթեւոսից ցիտել, որ վերջին ժամանակներում բոլորը կլսեն Աստծո մասին: Եվ հենց այդ պատճառով նա որոշել է սովորել հայերեն:
- Դուք պատրաստվում եք Հայաստանո±ւմ քարոզել:
- Ոչ, ծնողներս Մոսկվայում են, չեմ կարող ոչ մի տեղ մեկնել: Բայց շփվում եմ հայերի հետ:
Եվ ահա նա տվեց բուկլետ, ուր ձեռագրով հայերեն գրված էր, թե ինչպես գնալ ժողովի: Տնտղելով բուկլետը` անկյունում հայտնաբերեցի ՙԵհովայի վկաների՚ կենտրոնական կայքի հասցեն՚:
Այսինքն` տարօրինակաբար ստացվում է, որ Մոսկվայում արդեն եհովականները սկսել են իրենց քարոզիչներին հատուկ սովորեցնել հայերեն, որպեսզի աղանդի ցանցերը գցեն մոսկվայաբնակ հայերին: Մինչ այդ, խոշոր հայ գաղթօջախներում հոգեորսություն ծավալելով զբաղված էր հիմնականում ՙԿյանքի խոսքը՚: Հիմա էլ նույնն ընդօրինակում են եհովականները... Հետաքրքիր է, ինչո±ւ հատկապես հենց հայերին են աղանդները վերցրել նշանառության տակ` անկախ նրանից, դա հայրենիքում է, թե` սփյուռքում:
ՍԵՓ. ԼՐԱՏՎՈՒԹՅՈՒՆ
1
15286 դիտում
2
10816 դիտում
3
2287 դիտում
4
2141 դիտում
5
1479 դիտում
