Բացօթյա բարեգործական համերգ՝ ի աջակցություն Բեյրութի

Առաջին անգամ, գրեթե հինգ ամիս դադարից հետո, Երեւանում տեղի կունենա մեծամասշտաբ մշակութային իրադարձություն: Երեւանյան հեռանկարներ միջազգային երաժշտական փառատոնի եւ Հայաստանի ազգային ֆիլհարմոնիկ նվագախմբի նախաձեռնությամբ եւ ՀՀ ԿԳՄՍ նախարարության աջակցությամբ՝ սեպտեմբերի 4-ին, ՀՀ Ազգային ժողովի հյուրընկալ այգում կկայանա Վերդիի ‹‹Տրավիատա›› օպերայի համերգային կատարումը: 

Միջոցառման հեղինակների նպատակն է այս կերպ մեր մշակութային զորակցությունը հայտնել վերջերս տուժած Բեյրութին, որը հայտնի է նաեւ ‹‹Արեւելքի Փարիզ›› անվամբ: Տոմսերի ողջ հասույթը կտրամադրվի Բեյրութում աղետից տուժած մշակութային կենտրոնների վերականգնմանը: Հավաքված գումարը կկրկնապատկվի ՀԲԸՄ-ի կողմից: 

Նշենք, որ Վերդիի ամենահայտնի այս փարիզյան սիրո պատմության գլխավոր հերոսներն են՝ միջազգային ճանաչում ունեցող օպերային աստղեր Լիանա Ալեքսանյանը (Վիոլետա Վալերի), Լիպարիտ Ավետիսյանը (Ալֆրեդ Ժերմոն) եւ Իլյա Սիլչուկովը (Ժորժ Ժերմոն): Այլ դերերում հանդես կգան Նարինե Անանիկյանը (Ֆլորա), Հովհաննես Անդրեասյանը (Գաստոն), Աշոտ Ղանթարջյանը (Բարոն Դյուֆոլ), Պողոս Բիազբեկյանը (Մարկիզ դ’Օբինյի), Հովհաննես Ներսեսյանը (Բժիշկ Գրենվիլ), Լուսինե Օրդուխանյանը (Անինա): Օպերայի «Փարիզյան հասարակությանը» կներկայացնի Հայաստանի պետական կամերային երգչախումբը (գեղարվեստական ղեկավար եւ գլխավոր դիրիժոր՝ Ռոբերտ Մլքեյան): 

Համերգը կղեկավարի ՀԱՖՆ գեղարվեստական ղեկավար եւ գլխավոր դիրիժոր, Արվեստի վաստակավոր գործիչ Էդուարդ Թոփչյանը: Միջոցառման ժամանակ կպահպանվեն հակահամաճարակային բոլոր պայմանները: Տոմսերը վաճառվում են միայն առցանց:

Այս թեմայով 2018-ից այս կողմ Երևանի օդը գտնվում է SOS վիճակում. Բնապահպանը ահազանգում է ՀՐԱՏԱՊ. Քաղաքացին կտրել է երակները ոստիկանության դիմաց Ռուսերենի ավելի քան 200 ուսուցիչ ատեստավորման վերաբերյալ բողոք է ուղարկել կրթության նախարարին «Ամանտիս» բժշկության կենտրոնի տնօրենին շնորհվել է մրցանակ BAFA միջազգային հեղինակավոր միջոցառման շրջանակներում Տարիներ առաջ հայտնաբերվել էր հաստ աղիքի քաղցկեղ․Ինչ հիվանդությամբ է տառապում Էրդողանը իրականում