Աբելյանցիները ներկայացումներ կխաղան բաց երկնքի տակ

Համավարակի պատճառով երկար դադարից հետո Վանաձորի Հովհաննես Աբելյանի անվան պետական դրամատիկական թատրոնի դերասանները թատրոնի հետնաբակում հանդես են եկել «Հեքիաթը մեր այգում» բացօթյա մանկական ներկայացմամբ։ Ներկայացման ռեժիսորը Արամ Մխիթարյանն է։ Ներկայացման մեջ խաղում են թատրոնի երիտասարդ և միջին սերնդի դերասաններ։ Այս մասին հայտնել է թատրոնի լրատվության և հասարակայնության հետ կապերի պատասխանատու Գոռ Փելեշյանը։

«Մեր կրտսեր հանդիսատեսի կողմից ներկայացումը սիրվեց, որի վառ ապացույցը երեխաների ջերմ ու ոգևորված տրամադրություններն էին։ Բացօթյա ներկայացումները կրելու են շարունակական բնույթ»։

Մանկական ներկայացումից զատ՝ աբելյանցիները պատրաստվում են Ստեփան Զորյանի «Խնձորի այգին» բացօթյա ներկայացման առաջնախաղին, որը տեղի կունենա սեպտեմբերի 15-ին՝ ժամը 18:30-ին, Վանաձորի Ստեփան Զորյանի տուն-թանգարանի այգում։ Ներկայացումը նվիրված է արձակագրի 130-ամյա հոբելյանին։ Ներկայացման ռեժիսորը թատրոնի գեղարվեստական ղեկավար, ՀՀ ժողովրդական արտիստ Վահե Շահվերդյանն է։

Այս թեմայով Հայտնի իրավապաշտպանը հրատապ հայտարարությամբ է հանդես եկել Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Փաշինյանը բաց է թողել «ջինը շշից»․ ինչո՞ւ է սկսել նախընտրական արշավը. Բադալյան ՇՏԱՊ. Ավանի գլխավոր ճանապարհները հայտնվել են ջրի տակ ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին