Հունաստանի ԱԳՆ-ն արձագանքել է պատերազմի վերաբերյալ Անկարայի սպառնալիքներին

Հունաստանի արտաքին գործերի նախարարությունից մեկնաբանել են Թուրքիայի փոխնախագահ Ֆուաթ Օքթայի հայտարարությունն առ այն, որ իր տարածքային ջրերը մինչև 12 մղոն ընդլայնելու՝ Աթենքի փորձը ռազմական հակամարտություն կհրահրի:

«Թուրքիայի աննախադեպ պատկերացումն այն մասին, որ կարող է ուժի կիրառմամբ սպառնալ իր հարևան երկրներին, երբ նրանք իրականացնում են իրենց իրավունքները, հակասում է ժամանակակից քաղաքական մշակույթին և միջազգային իրավունքի հիմնարար դրույթներին: Կոչ ենք անում Թուրքիային գիտակցել, որ միջազգային իրավունքն ու արժեքները, որոնց հիման վրա կառուցված է ժամանակակից միջազգային կարգը, պարտադիր են աշխարհի բոլոր երկրների համար: Դրանք ընտրովի չեն, և միջազգային հանրությունը պարտավոր է պաշտպանել դրանք, քանի որ դրանց խախտումները վկայում են առավելագույն ռիսկի մասին»,- РИА Новости-ի փոխանցմամբ՝ ասվում է գերատեսչության հաղորդագրության մեջ:

Աթենքում հիշեցրել են, որ Թուրքիան պարտավոր է ի կատար ածել ՄԱԿ-ի կանոնադրության երկրորդ հոդվածը, որտեղ ասվում է, որ միջազգային կազմակերպության բոլոր անդամները պետք է զերծ մնան ուժի կիրառումից կամ սպառնալուց:

«Ամեն դեպքում մենք հիշեցնում ենք, որ Հունաստանի ինքնիշխանության պահպանումը կախված չէ որևէ թուրքական վետոյից», - եզրափակել են Հունաստանի ԱԳՆ-ում:

Օգոստոսի Թուրքիան տեղեկացրել է Արևելյան Միջերկրածովյան տարածաշրջանում, որը Հունաստանը համարում է իր բացառիկ տնտեսական գոտին, սեյսմիկ ուսումնասիրություններ սկսելու մասին։

Դրանից հետո Հունաստանի վարչապետ Կիրակոս Միցոտակիսը հայտարարել էր, որ երկիրը մինչև 12 մղոն ընդլայնում է իր տարածքային ջրերը Հոնիական ծովում:

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Եվրոպան պատրաստվում է պատերազմի. ՆԱՏՕ-ն ընդլայնվում է. Պուտին Bild. Գերմանիայի իշխանությունները կոչ են անում բնակչությանը՝ պատրաստվել պատերազմի ԱՄՆ-ն քննարկում է ՌԴ-ի հետ լայնածավալ գործարքներ կնքելու հարցը՝ մինչև Ուկրաինայում պատերազմի ավարտը. The New York Times