ԵՊՀ մի շարք ֆակուլտետներում ուսման վարձավճարներն ավելացել են

Երեւանի պետական համալսարանի մի շարք ֆակուլտետներում ուսման վարձավճարներն ավելացել են։ Այս մասին Hraparak.am-ը տեղեկացել է իր ձեռքի տակ հայտնված փաստաթղթից։

Աղբյուրը ներկայացնում է, որ ուսման վարձրավճարներն ավելացել են նվազագույնը 70, առավելագույնը՝ 160 հազար դրամով։

Մասնավորապես, «Մաթեմատիկա», «Մեխանիկա», «Ֆիզիկա», «Միջուկային ռեակտորների ֆիզիկա», «Ռադիոֆիզիկա», «Կիսահաղորդիչների ֆիզիկա եւ միկրոէլեկտրոնիկա», «Հեռահաղորդակցություն եւ ազդանշանների մշակում», «Քիմիա» եւ «Սննդի անվտանգություն» ուսումնական ծրագրերի վարձավճարը ավելացել է 70 հազար դրամով, «Կիրառական վիճակագրություն եւ տվյալների գիտություն» ուսումնական ծրագիրը՝ 100 հազար, «Ակտուարական եւ ֆինանսական մաթեմատիկան»՝ 110 հազար դրամով եւ նախկին 540 հազար դրամի փոխարեն դարձել է 650 հազար։

«Ինֆորմատիկա եւ կիրառական մաթեմատիկա» եւ «Տեղեկատվական անվտանգություն» ուսումնական ծրագրերինը՝ 160 հազար դրամով։

Այսինքն՝ 2019-2020 ուստարում այս ծրագրերի ուսվարձը եղել է 540 հազար, այժմ դարձել է 700 հազար դրամ։

Աղբյուրը փորձել է կապ հաստատել ԵՊՀ ռեկտորի պաշտոնակատար Գեղամ Գեւորգյանի հետ՝ հասկանալու համար, թե ինչով են պայմանավորված այս թանկացումները, սակայն Գեւորգյանն ասել է, որ այդ թեմայով պարզաբանում է տվել։

«Նայեք մամուլում»,- ասել է նա ու անջատել հեռախոսը, ապա զանգահարել եւ առաջարկել գրավոր հարցում ուղարկել։

Նյութն ամբողջությամբ՝ սկզբնաղբյուր կայքում։

Այս թեմայով Գագիկ Ղազինյանը հայց է ներկայացրել ԵՊՀ-ի դեմ «Փաստ». ԵՊՀ-ի շուրջ նոր կրքեր են բորբոքվել Մոսկվան մի շարք սուր մեսիջներ փոխանցեց Արեւմուտքին «Խնդիրն էն ա, որ վարչապետ Փաշինյանը ԵՊՀ դիպլոմը հեղափոխությունից հետո ա ստացել», «Ես դիպլոմ չունեմ» Պուտինն Ուկրաինայից ստացել է խաղաղության մի շարք էկզոտիկ և անընդունելի առաջարկներ (Տեսանյութ)