Սերժ Սարգսյանը հանդիպել է վերջին ամիսներին ՀՀԿ անդամագրված երիտասարդներին

Երեկ տեղի է ունեցել վերջին ամիսներին Հայաստանի Հանրապետական կուսակցության շարքերը համալրած երիտասարդների հանդիպումը կուսակցության ղեկավար Սերժ Սարգսյանի հետ:

Հանդիպմանը մասնակցում էին ՀՀԿ երիտասարդական կազմակերպության միայն կազմակերպչական հանձնաժողովի հիմնական կազմը ու հանձնաժողովի շարքերը նոր համալրած երիտասարդները։ Մասնակիցները նախագահին ուղղել են կուսակցության առաջիկա ծրագրերին առնչվող հարցեր, ինչպես նաև անդրադարձել են մեր երկրում ընթացող ներքաղաքական իրադարձություններին և արտաքին քաղաքականությանը վերաբերող հարցերին:

«Մեր երիտասարդական կազմակերպությանը միացած նոր անդամների հանդիպումները կուսակցության նախագահի հետ լինելու են շարունակական: Այսօրվա հանդիպմանը մասնակցում էին վերջին ամիսներին ՀՀԿ ԵԿ միայն կազմակերպչական հանձնաժողովի նոր անդամները, ովքեր չնայած վերջերս են միացել մեր կառույցին, սակայն արդեն հասցրել են մասնակցել մի շարք միջոցառումների: Կազմակերպության մյուս ստորաբաժանումների նոր անդամերը արդեն իսկ սպասում են կուսակցության ղեկավարի հետ հանդիպմանը։ Ինչպես բազմիցս ասել եմ՝ երիտասարդների հոսքը մեր կուսակցություն օր օրի շատանում է»,- ասել է ՀՀԿ երիտասարդական կազմակերպության ղեկավար Հայկ Մամիջանյանը։

«Հանդիպման նպատակը ոչ միայն նախագահի և կազմակերպչական հանձնաժողովի նոր անդամների ծանոթությունն էր, այլ նաև կուսակցության հետագա ծրագրերի քննարկումը և դրանց մեջ երիտասարդների ներգրավվածությունը: Հանդիպման ընթացքում նախագահ Սարգսյանը պատասխանեց երիտասարդներին հետաքրքրող բոլոր հարցերին» ,- նշել է ՀՀԿ ԵԿ կազմակերպչական հանձնաժողովի ղեկավար Վարդուհի Սարգսյանը:

 

Այս թեմայով «Իրավունք». Գործի է անցել Զարեհ Սարգսյանը «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան Նախկին վարչապետի ընտանիքը սգում է ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Վերջին շաբաթներին Ռուսաստանը երկու անգամ փորձել է հարձակվել իմ ինքնաթիռի վրա. Զելենսկի