«Նեղացած դեմքով փաստերի դեմ «դատարկ-դատարկ» հակադրվելու փոխարեն, խորհուրդ կտամ զբաղվել իրական աշխատանքով»

«Սպասելի էր, որ պարոն Ծառուկյանի ելույթը կրկին իրարանցում կառաջացնի իշխանական թեւի որոշ շրջանակներում։

Էս ի՞նչ մի ֆեյքավնգստոց էր մի պահ համացանցում, տեսան ֆեյքերը չեն «ձգում» տեղեկատվական դաշտը ապականելուց, անցան բաց դեմքով չարախոսությունների եւ իբր քաղաքական արձագանքի։

Ախր ո՞նց բացատրեմ որոշ մարդկանց (միտումնավոր անունները առայժմ չեմ տալիս՝ դրանց ձրի գովազդելու հավես չունեմ), որ փորձելով կրկին անգամ հակադրվել Ծառուկյանի կողմից հնչեցրած, փաստարկված եւ անհերքելի իրավիճակի գնահատականին «Հոռոմ տատու հեքիաթներով» եւ շինծու, սուտ եւ հնամաշ ասեկոսեներով, փաստացի վերահաստատում են Ծառուկյանի ամեն խոսքն ու բառը։

Ախր ո՞նց բացատրեմ, որ երբ շատ թույլ եւ անիմաստ ճառերով փորձում են հերքել Ծառուկյանի կողմից հնչեցրած խնդիրները, այդ խնդիրները չեն վերանում, ուսանողները միեւնույն է վարձերի ձեռքը գերի են, բանկերը շարունակում են մարդկանց վերջին կոպեկը քերել աննորմալ վարկերի եւ տոկոսների դիմաց, համավարակը չի հաղթահարվում, մահացածներին ետ չեք բերի (Աստված իրենց հոգինները լուսավորի), կրթության ոլորտը շարունակում է իր ապաշնորհ եւ ապազգային քաղաքականությունը, գործազրկությունը չի վերանում...եւ այսպես շարունակ։
Նեղացած դեմքով փաստերի դեմ «դատարկ-դատարկ» հակադրվելու փոխարեն, խորհուրդ կտամ զբաղվել իրական աշխատանքով, գոնե վերլուծել սխալները եւ անել հետեւություններ, քանզի իրավիճակը իրականում շատ ծանր է հանրապետությունում։

Էյֆորիայի եւ լոզունգների, ժամանակը վաղուց անցել է, դուք իրականում դա չե՞ք հասկանում», - այս մասին նշում է ԱԺ «Բարգավաճ Հայաստան» խմբակցության քարտուղար ԱՐՄԱՆ ԱԲՈՎՅԱՆԸ եւ, որպես հետգրություն, հավելում. «Երբ իշխանությունը «լուրջ դեմքով» խոսում է անաչառության եւ արդարության մասին, վատ չէր լինի իրենց հիշեցնել, թե ինչպես անմիջապես հունիսի 5-ին կայացած ԲՀԿ Քաղաքական խորհրդի նիստից հետո, ամբողջ ԲՀԿ-ն հայտնվեց ուժային կառույցների տոտալ ճնշումների տակ»։

Այս թեմայով Արման Ծառուկյանը նոկաուտի է ենթարկել Ռուֆիին Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն