Ֆրանսիայում ծավալվում է կորոնավիրուսի երկրորդ ալիքը

Ֆրանսիայում կորոնավիրուսը նոր ուժով է վերսկսվել ծավալվել։ Վերջին շաբաթներին հիվանդացածների թվով երկիրը հասել է մայիսյան ցուցանիշներին։ Վախենալով համաճարակի պայթուցիկ աճից, իշխանությունները խստացնում է սանիտարական միջոցառումները և պահանջում համատարած կրել դիմակներ, ինչը չի եղել նույնիսկ գարնանը: 
Ուրբաթ առավոտյան ժամը 8-ից դիմակները պարտադիր են Փարիզի բոլոր փողոցներում, հրապարակներում, զբոսայգիներում եւ մայրաքաղաքին շրջապատող երեք դեպարտամենտներում: Նույնը Մարսելում, Նիսում, Վալանսում, Մոնպելիեում եւ այլ քաղաքներում: Սա վերաբերում է 11 տարեկանից ավել բոլոր անձանց։
Ավելի վաղ դա պահանջել էին պարտադիր դիմակ կրել տրանսպորտում, հետո՝ բոլոր փակ հանրային տարածքներում: 
Ֆրանսիայի նախագահ Էմանուել Մակրոնը դա «խելամիտ սահմանափակում» է համարում։ «Պետք է սովորել համակերպվել վիրուսի հետ։ Ինչպես դուք, ես չեմ սիրում կրել դիմակ, դա հոգնեցուցիչ է եւ տհաճ։ Բայց պետք է ընտելանալ»,- համոզում է նա։ Մակրոնի խոսքով՝ սանիտարական միջոցների եւ սոցիալական հեռավորության միայն խիստ պահպանումը թույլ կտա խուսափել նոր կարանտինից, որը կործանարար ազդեցություն կունենար երկրի տնտեսության վրա:
Հասարակական վայրերում առանց դիմակի հայտնվելը սպառնում է 135 եվրո տուգանք: Նրանք, ովքեր մեկ ամսվա ընթացքում երեք անգամ խախտել են կանոնները, կպատժվեն 3750 եվրոյով կամ վեց ամսով բանտ կուղարկեն:
Սակայն, ի տարբերություն Հայաստանի, ֆրանսիական ոստիկանությանը հրահանգված է գործել շատ ավելի մեղ մեթոդներով։ Նախ իրավապահները քաղաքացիներին պարզապես հիշեցնում են դիմակ հագնելու անհրաժեշտության մասին նրանց, կամ կոչ են անում՝ պատշաճ կերպով շտկել դիմակը։ 

Այս թեմայով Հայտնի են Պետդումայի ընտրությունների քվեարկության երկրորդ օրվա էքզիթ փոլի արդյունքները Հուսիթները 24 ժամվա ընթացքում երկրորդ անգամ խոցել են Սաուդյան Արաբիայի Արևելք-Արևմուտք նավթատարը Հայաստանը վերջին հորիզոնականում է տարածաշրջանում՝ զիջելով Վրաստանին, Ադրբեջանին ու Թուրքիային. Կրթության փորձագետը ահազանգում է Հայաստանի հաշվին հակառուսական երկրորդ ճակատ բացել Եվրոպային այս պահին պե՞տք է Վելիկոբուռլուկյան ուղղության հյուսիսում ուկրաինական ուժերի շուրջ շրջապատման երկրորդ օղակն է ստեղծվել (Քարտեզ)