«Երկիրն այսօր մեկ այլ բանի մեջ է խեղդվում». Անի Սամսոնյան

ԱԺ «Լուսավոր Հայաստան» խմբակցության պատգամավոր Անի Սամսոնյանը ֆեյսբուքյան իր էջում գրել է. «Մենք այլևս չենք խեղդվում Սերժ Սարգսյանի «գաղջ» մթնոլորտում:

Այսպես է համոզել և շարունակում համոզել իշխանությունը հանրությանը: Իմ համոզմամբ` երկիրն այսօր մեկ այլ բանի մեջ է խեղդվում` սև ու սպիտակի թմբիրի: Տարբեր հարցերով քաղաքացիների արդար բողոքի ձայնը բախվում է պիցցայակերների, դավաճանների, սևերի, սաբոտաժ անողների և հեղափոխական իշխանությանը հոգեբանորեն հալածողների բանավեճին ու վարկաբեկվում: Սա ես չեմ ասում, այլ այն մարդիկ, ովքեր բողոքում են Կառավարության շենքի առջև և նրանց հետ վարվում են այնպես, ինչպես վարվում են մեզ հետ և բոլոր նրանց հետ, ովքեր ունեն իրենց կարծիքը, բայց վախում են արտահայտել այն: Ըստ էության` ինչպես նախկինների ժամանակ:

Վախը մնում է վախ` անկախ դրա պատճառներից:

Այս իշխանությունը մարդկանց սովորեցրեց մտքի, խղճի այլասերված և քինախնդիր ազատությանը և դա չարիքի պես խժռում է բոլոր առողջ քննարկումներն ու բանավեճերը:

Մարդիկ այսօր ուզում են իրենց տան հարցը լուծվի, իրենց քթի տակ հանք չբացեն կամ անարգել հասնեն ՌԴ, բայց թիրախավորվում են և ընկնում սևուսպիտակի փոսը: Եվ անելանելիությունից կոչ են անում չքաղաքականացնել իրենց հարցերը:

Բայց մարդիկ պետք է գիտակցեն, որ իրենց բոլոր հարցերը քաղաքական են, որովհետև որոշում կայացնողները իշխանության համար կռիվ տված և իրենց վստահությունը որսացող քաղաքական դերակատարներ են: Եթե նախկինում Սերժ Սարգսյանն էր մեղավոր, որ քաղաքական դերակատարները իրենց տեղում չեն, այսօր էլ Նիկոլ Փաշինյանն է մեղավոր:

Երբ ԿԳՄՍ նախարարը մուննաթ է գալիս ուսուցիչների և ծնողների վրա, երբ Առողջապահության նախարարը ծիծաղում է մեզ բոլորիս վրա իր ցինիզմի ողջ կատարելությամբ` էլի Փաշինյանն է մեղավոր: Նա կարող է փոխել ապաշնորհ նախարարներին, բայց չի անում: Որովհետև նրա իշխանության կարողությունն այդքան է: Ավելին չեն կարող անել:

Սա պիտի հասկանան մարդիկ, ովքեր նրանց ուղարկել են իրենց կյանքի համար քաղաքական որոշումներ կայացնելու:

Աշունը կարող է թեժ լինել, կարող է նաև չլինել: Համենայնդեպս իշխանության համար այն չի լինելու նույնը, ինչ նախորդ երկու տարիներին»:

Այս թեմայով Այսօր կայանալիք ֆուտբոլային հանդիպումները Իրանը Լիբիան կամ Իրաքը չէ, Իրանը պատրաստ է ցանկացած հարվածի․ Խայալ Մուազզինը ԱՄՆ-Իրան հնարավոր բախման մասին Վարդան Ղուկասյանին կտանք անհրաժեշտ քանակությամբ քվե՝ առանց որևէ պաշտոնի, ակնկալիքի և որևէ պայմանավորվածության. Մարտուն Գրիգորյան Մարտուն Գրիգորյանը այսօր կհայտարարի, թե ում է որոշել միանալ Թող որ միշտ լսեք երախտագիտության ու գոհունակության խոսքեր.«Աստղիկ» բկ-ի տնօրենի տարեդարձն է այսօր