Մասնագետները նշել են այն արտասովոր գործոնները, որոնք կարող են դառնալ գլխացավի պատճառ

Գլխացավերը բավական հաճախ հանդիպող խնդիր են, որոնք կարող են խիստ բացասաբար անդրադառնալ կյանքի որակի վրա։ Սովորաբար նման տհաճ խնդրի դեպքում մարդիկ անմիջապես ցավազրկող դեղամիջոցներ են ընդունում, մինչդեռ շատ հաճախ խնդրի զարգացումից կարելի է խուսափել որոշ սովորություններից ազատվելու դեպքում։

Բժիշկներ Սերգեյ Ագապկինն ու Անդրեյ Ռեուտովը «Ամենակարևորի մասին» («О самом главном») հաղորդաշարի եթերում նշել են այն արտասովոր պատճառները, որոնք կարող են հանգեցնել նման տհաճ խնդրի առաջացման։ Մասնագետների խոսքով՝ մարդիկ շատ հաճախ գաղափար անգամ չունեն, որ գլխացավը կարող է պայմանավորված լինել մի շարք տարածված գործոններով։ Օրինակ՝ ցավի պատճառ կարող է դառնալ նախաճաշին նրբերշիկ ուտելու սովորությունը։ 

Առհասարակ տարատեսակ երշիկեղենն ու վերամշակում անցած կարմիր մսից պատրաստված այլ մթերքը խիստ բացասաբար է անդրադառնում օրգանիզմի վրա։ Նման մթերի գրավիչ վարդագույն երանգի համար պատասխանատու են նիտրատները, որոնք մարդու օրգանիզմում վերածվում են նիտրիտների և հանգեցնում գլխուղեղի թթվածնաքաղցի։

«Նիտրիտները հեմոգլոբինի հետ փոխգործակցելիս խթանում են մեթհեմոգլոբինի զարգացումը, որն էլ թույլ չի տալիս, որ գլխուղեղն ինչպես հարկն է հագենա թթվածնով», - բացատրում է Անդրեյ Ռեուտովը։

Երշիկեղենից բացի գլխացավի պատճառ կարող է դառնալ նաև ալկոհոլի, մասնավորապես՝ կարմիր գինու գործածությունը, ինչը պայմանավորված է դրանում պարունակվող տանիններով։

Գլխացավի մյուս հավանական պատճառը քնի վատ որակն է՝ քնի պակասն ու կարճ տևողությունը։ Բացի այդ, ցավը կարող է պայմանավորված լինել մշտական սննդակարգի փոփոխություններով, ինչը հանգեցնում է արյան մեջ գլյուկոզայի մակարդակի տատանումների։

https://www.tert.am/medicine/am/news/2020/08/27/headache/77481?fbclid=IwAR1Zi-1Qx6uK1jmQBw2zunFyjC20Hv1iIIdELpklR-TWty1ECgqb3-A4nRg

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Գեւորգ Սուջյանը նորություն ունի 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան