Վրաստանում հայտնել են՝ ինչ է սպասում Սաակաշվիլիին հայրենիք վերադառնալուց հետո

Վրաստանի իշխանություններն ուրախ են երկրի նախկին նախագահ Միխեիլ Սաակաշվիլիի՝ հայրենիք վերադառնալու որոշման համար: РИА Новости-ի փոխանցմամբ՝ նման հայտարարությամբ է հանդես եկել երկրի արդարադատության նախարար Թեա Ցուլուկիանին:

«Իհարկե, մենք ողջունում ենք, եթե Միխեիլ Սաակաշվիլին իր մեջ ուժ գտնի և գա Վրաստան, հենց սահմանին նրան սպասվում է ձերբակալություն և, իհարկե, վրացական բանտ, քանի որ նա գտնվում է հետախուզման մեջ, և նրա գործով մի շարք մեղադրական դատավճիռներ են կայացվել»,- ասել է վրաց նախարարը տեղի հեռուստատեսությամբ:

Սաակաշվիլին, որը զբաղեցնում է Ուկրաինայի բարեփոխումների ազգային խորհրդի գործադիր հանձնաժողովի ղեկավարի պաշտոնը, այսօր ավելի վաղ հայտարարել էր Վրաստան վերադառնալու մտադրության մասին: Նա բազմիցս մեկնաբանել է գալիք խորհրդարանական ընտրությունները և հայտարարություններ արել երկրի գործող ղեկավարության անօրինականության մասին:

Այդ հայտարարությունների պատճառով Վրաստանը հետ է կանչել իր դեսպանին Կիևից: Թբիլիսին նման արտահայտությունները համարել է միջամտություն երկրի ներքին գործերին:

Սաակաշվիլին Վրաստանից հեռացել է 2013 թվականին, երբ նրա դեմ մի քանի քրեական գործեր էին հարուցվել, որոնցից մի քանիսով վերջինս հեռակա կարգով ազատազրկման է դատապարտվել:

Այս թեմայով Մահից հետո կյանքը գոյություն ունի. ֆինն հետազոտող «Ժողովուրդ». Ինչ վիճակ է ԱԱԾ մեկուսարանում․ Ռոբերտ Քոչարյանը՝ մի քանի քառակուսի մետրում, քրեական հեղինակությունները՝ նույն խցերում Հանրապետականները պատրաստվում են իմպիչմենտի ենթարկել Պենտագոնի ղեկավարին ընտրություններում պարտությունից հետո. CNN Թրամփի պարտությունից հետո ԱՄՆ Սենատի դեմոկրատ առաջնորդը խոստացավ դադարեցնել Իրանի հետ պատերազմը «Հրապարակ»․ Ինչ շինարարություն են սկսել ԱԱԾ «պադվալում»