Պետք է արգելվեն Կենտրոնական բանկի մոտի ցույցերը. Փաստաբան

ՀՀ Կենտրոնական բանկի առաջ ցույցերը, պիկետները պետք է արգելվեն: Տվյալ գերատեսչությունն, իրավամբ, համարվում է պետական կարևորության նշանակության կառույց, ինչպես, օրինակ, պաշտպանության նախարարությունը, ուստի ոստիկանությունն ունի պոզիտիվ պարտականություն ոչ թե խաղաղ ցույցի անվան տակ առերևույթ հասարակական կարգ պաշտպանի, այլ արգելի ռազմավարական նման  նշանակության տվյալ օբյեկտի մոտ ցույցերի, վաղն էլ՝ նստացույցերի, հետո էլ՝ այլ քայքայիչ գործառույթների իրականացումը: Ակնհայտ է, որ ցույց անող կազմակերպիչների հետ աշխատանք ունի հատուկ ծառայությունը՝ ճշտելու կազմակերպիչների արտերկրա ֆինանսների և դրանց իրական, միգուցե նաև քայքայիչ գործնեության իրական նպատակը:
Իրավական աբսուրդը հասել է նրան, որ Կենտրոնական բանկից պահանջում են, որպեսզի մասնավոր բանկերը վարկային համաներում կիրառեն: Եթե ձեր իրական ցանկությունը դա է, գնացեք այդ գործողություններն իրականացրեք մասնավոր բանկերի առջև և, իրավամբ, պահանջեք տույժերի և տոկոսների զիջում, որ ՀՀ քաղաքացու երկու միլիոն դրամ վարկը չբարձրացնեն մինչև յոթ միլիոն, հետո էլ տունը ձեռքից խլեն ու սարքեն օրենքով բոմժ: Ընդ որում, տարբեր հարթակներից հնչել են, որ որոշ բանկեր ուղղակի կապի մեջ են դատավորների հետ, այդ թվում՝ վճռաբեկ դատարանի:
Իսկ նման ֆորմատով փորձել անվանարկել, հետո էլ կազմալուծել տարածաշրջանի լավագույն պետական ֆինանսական կառույցը՝ փորձելով ցնցել պետության կարևորագույն հիմնաքարը, լուրջ աղերս ունի պետական անվտանգության հետ, ուստի տոտալ ձևով պետք է արգելել նման, ըստ իս, պատվիրված ու պետության և հասարակության համար վտանգավոր գործողությունները:

Լևոն Բաղդասարյան
#ԼեվԳրուպ
#փաստաբանական_գրասենյակ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Այո՛, պաշտոնյան գրիչ էլ պիտի նվեր չստանա, իրեն պետք է, թող գնա, առնի, սա է ճիշտը. Փաշինյան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով