Aeroflot-ը կանոնավոր թռիչքներ կիրականացնի «Զվարթնոց»-ից

Aeroflot ավիաընկերությունը կսկսի շաբաթական 2 չվերթ հաճախականությամբ թռիչքներ իրականացնել Երևանի «Զվարթնոց» օդանավակայանից: Այս մասին հայտնում է «Զվարթնոց»-ի «Ֆեյսբուք»-ի էջը:

«Սույն թվականի օգոստոսի 27-ից Aeroflot ավիաընկերությունը կսկսի շաբաթական 2 չվերթ հաճախականությամբ չվերթեր իրականացնել՝ յուրաքանչյուր հինգշաբթի և շաբաթ օրերին: Երևանի «Զվարթնոց» օդանավակայանից Մոսկվայի «Շերեմետևո» օդանավակայան հինգշաբթի և շաբաթ օրերին իրականացվող չվերթերի տոմսերը կարող են ձեռք բերել միայն այն քաղաքացիները, ովքեր «Շերեմետևո» օդանավակայանից, որպես տարանցիկ օդանավակայան, կշարունակեն իրենց չվերթերը դեպի Լոս-Անջելես, Շանհայ և եվրոպական երկրներ»,- ասված է հաղորդագրությունում:

«Զվարթնոց» օդանավակայանը գրառմամբ խնդրում է նկատի ունենալ, որ «Շերեմետևո» օդանավակայանով տարանցիկ երկիր ճանապարհորդելիս ուղևորները պետք է ունենան ՊՇՌ հետազոտության տեղեկանք (անգլերեն կամ ռուսերեն լեզուներով): Հետազոտությունը պետք է արված լինի մեկնելուց ոչ ավելի վաղ, քան 72 ժամ առաջ: Ուղևորը պետք է ուսումնասիրի նաև մեկնման երկրի մուտքի կանոնները և իր մոտ ունենա բոլոր անհրաժեշտ փաստաթղթերը:

Այս թեմայով Պատժում են քաղաքացիներին. 15.000 տուգանքի հետքերով Մոսկվայից «Զվարթնոց» թռչող օդանավն անսարք է․ քաղաքացիները չգիտեն՝ ինչ անել (տեսանյութ) Ազգային անվտանգության մարմինների աշխատակիցները նշեցին իրենց մասնագիտական տոնը (լուսանկարներ, տեսանյութ) Զվարթնոց օդանավակայանում մառախուղ է, տեսանելիությունը ցածր. ԶԼՄ Մոսկվա-Երևան չվերթն իրականացնող ինքնաթիռը մառախուղի պատճառով «Զվարթնոց»-ի փոխարեն վայրէջք է կատարել Թբիլիսիում