Իսրայելում պեղումների ժամանակ 9-րդ դարին թվագրվող 425 ոսկյա մետաղադրամով լի կավե տարա է հայտնաբերվել

Իսրայելի կենտրոնում նոր բնակելի թաղամասի կառուցման աշխատանքների մեկնարկից առաջ իրականացված հնագիտական պեղումների ժամանակ կամավորական խումբը 9-րդ դարին թվագրվող գանձ է հայտնաբերել, որը բաղկացած է մաքուր ոսկուց 425 մետաղադրամից, հայտնում է «ՌԻԱ Նովոստի» գործակալությունը ՝ հղում տալով երկրի հնությունների վարչության հայտարարությանը։ 

«Կավե տարայով հողի մեջ թաղված գանձը 425 ոսկյա մետաղադրամ է պարունակել, որի մեծ մասը պատկանում է Աբբասյանների ժամանակաշրջանին։ Ավելի քան 1000 տարի առաջ այս գանձը հողում պահած մարդը, ենթադրվում է, ծրագրել էր վերցնել այն ու անգամ մեխով ամրացրել էր տարան, որպեսզի չշարժվի այն։ Մենք միայն կարող ենք գուշակություններ անել, թե ինչն է նրան խանգարել վերադառնալ»,- ասվում է պեղումների ղեկավարներ Լիաթ Նադավի-Զիվայի և Էլի Հադադի հայտարարության մեջ։

Նշվում է, որ գտածոյի ընդհանուր քաշը 845 գրամ մաքուր ոսկի է։ Պատմաբանների խոսքով՝ այդ գումարով 9-րդ դարում կարելի էր շքեղ տուն գնել։ Հայտնի է, որ այդ ժամանակահատվածում շրջանն Աբբասյանների խալիֆայության մաս է եղել:

Նշվում է, որ մետաղադրամները լավ են պահպանվել:

Այս թեմայով Կանխամտածված սպանությո՞ւն, թե՞ ինքնապաշտպանություն.Բացառիկ մանրամասներ Էջմիածնի արյունոտ միջադեպից Չեռնոբիլի ատոմակայանի գոտում մուտանտներ են հայտնաբերվել Կպատժվես մեղք ես․ Վարդան Ղուկասյանը հաթաթա է տվեթ Մարտուն Գրիգորյանին 18-20 դիմակավորված անձանց վնասազերծելու ժամանակ հնչած կրակոցների հետևանքով վիրավոր կա Ամերիկյան չորս զինվոր մանացած են հայտնաբերվել Լիտվայում` Բելառուսի սահմանի մոտ