ԵՊՀ ռեկտորի ընտրության ձգձգման ամբողջ պատասխանատվությունը կրել է ՀԽ նախագահ Գեւորգ Մուրադյանը. Խաչիկ Աբաջյան

ԵՊՀ-ում այսօր տեղի ունեցած հոգաբարձուների խորհրդի դռնփակ նիստի ժամանակ ՀՀ կրթության, գիտության, մշակույթի եւ սպորտի նախարարի տեղակալ Արթուր Մարտիրոսյանը «Երեւանի պետական համալսարան» հիմնադրամի հոգաբարձուների խորհրդի նախագահի թեկնածու առաջադրվեց Գեւորգ Մուրադյանին, որն էլ վերընտրվեց: Թեպետ հոգաբարձուների խորհրդրի համալսարանական 16 անդամներից ընդամենը երկուսը մասնակցեցին քվեարկությանը, իսկ մնացած 14 համալսարանականները բոյկոտեցին եւ չմասնակցեցին հոգաբարձուների խորհրդի նախագահի քվեարկությանը: Անդրադառնալով վերոնշյալին՝ ԵՊՀ միջազգային հարաբերությունների ֆակուլտետի ուսանող, ՀԽ անդամ ԽԱՉԻԿ ԱԲԱՋՅԱՆԸ հենց նիստի ժամանակ նշել է. «2019 թ. հունվարի 22-ին տեղի ունեցած Հոգաբարձուների խորհրդի առաջին նիստում, երբ Գեւորգ Մուրադյանն ընտրվեց խորհրդի նախագահ, նա խոստացավ, որ շարունակական հանդիպումներ է ունենալու ուսանողների եւ պրոֆեսորադասախոսական անձնակազմի հետ՝ խնդիրների բարձրաձայնման և քննարկման նպատակով, ինչպես նաև մեջբերում եմ. «մի բան, որ կարող եմ խոստանալ. իմ բոլոր գործողություններն ուղղված են լինելու Երեւանի պետական համալսարանի շահին»: Ավելի քան մեկ տարվա պաշտոնավարման ընթացքում որեւէ հանդիպում, քննարկման ձեւաչափ ընդհանրապես տեղի չունեցավ: Նույն նիստում դրական գնահատվեց ԵՊՀ նախկին ռեկտոր Արամ Սիմոնյանի հաշվետվությունը, որը Գեւորգ Մուրադյանի առաջարկով ընդունվեց որպես բավարար եւ հաստատվեց: Մոտավորապես մեկ ամիս անց՝ փետրվարի 28-ին, անհասկանալի հանգամանքներում նրա նախաձեռնությամբ գումարվեց նոր նիստ՝ Արամ Սիմոնյանի լիազորությունների վաղաժամկետ դադարեցման հարցի քննարկման համար: Որեւէ խելամիտ հիմնավորում տվյալ նիստի համար չներկայացվեց, հիմնական թեզը նիստի գումարման փաստաթղթերին ծանոթանալու ժամանակի սղությունն էր, եւ դա էր պատճառը, որ նախորդ նիստին անվստահություն չէին հայտնել գործող ռեկտորին: Սա միանգամայն ոչ համոզիչ եւ հիմնազուրկ փաստարկ էր, որն ապացուցում է, որ այդ քայլը որեւէ կերպ ԵՊՀ շահերից չէր բխում, ուստի՝ ամրագրվեց օրակարգի չհաստատմամբ եւ նիստի չեղարկմամբ:

2019 թ. մայիսի 30-ին տեղի ունեցած նիստում, երբ քննարկվում էր ռեկտորի ժամանակավոր պաշտոնակատարի նշանակման հարցը, պարոն Մուրադյանը նշում էր. «խոսքն ընդամենը մի քանի ամիս կառավարչական գործառույթների մասին է, որով պետք է օպերատիվ կառավարում կատարվի, մինչեւ որ մենք կգանք փաստացի ռեկտորի ընտրության»: Եթե կառավարչական ոլորտի իմ գիտելիքներն ինձ չեն դավաճանում, մի քանի ամիս օպերատիվ կառավարում ասելով՝ ամենեւին չէինք հասկանում 1 տարի երեք ամիս առանց որեւէ ծրագրի, առանց որեւէ պլանի, առանց որեւէ տեսլականի, առանց որեւէ չափելի արդյունքների ԵՊՀ-ի կառավարում: Ինձ համար շատ տարօրինակ էր ռեկտորի ընտրության ձգձգումը, որի ամբողջ պատասխանատվությունը, ըստ իս, կրել է Հոգաբարձուների խորհրդի նախագահ Գեւորգ Մուրադյանը, որը փաստացիորեն նպաստել է ԵՊՀ-ում լարված եւ անկայուն իրավիճակի խորացմանը՝ կրկին հակասելով իր խոստմանը. գործողությունները ծառայեցնել միայն ու միայն ԵՊՀ-ի շահերին»:

Ելույթի սկզբնաղբյուրը՝ ysu.am

Այս թեմայով Կանխամտածված սպանությո՞ւն, թե՞ ինքնապաշտպանություն.Բացառիկ մանրամասներ Էջմիածնի արյունոտ միջադեպից Վիլեն Գաբրիելյանն անամոթաբար ստում է. Կորյուն Սիմոնյան Գերմանիայի նախագահ Շթայնմայերը Արցախն ադրբեջանական է անվանել․ արդբեջանական ԶԼՄ Քննի­չի հետ ծա­նո­թա­նա­լուց հե­տո եր­գե­լու է`«Ախ, մա­մա ջան, ինձ տա­նում են մա­գա­դան». ԸՆԿԵՐ ՓԱՆՋՈՒՆԻ «Ժողովուրդ». ՈՒԵՖԱ-ի նախագահ Չեֆերինին Հայաստանում հարցեր ունեն