Լավրովն ու ԱՄՆ պետքարտուղարի առաջին տեղակալը Մոսկվայում կքննարկեն Բելառուսում ստեղծված իրավիճակը

Ռուսաստանի արտգործնախարար Սերգեյ Լավրովն այսօր Մոսկվայում կբանակցի ԱՄՆ պետքարտուղարի առաջին տեղակալ Սթիվեն Բիգենի հետ, ով երկօրյա աշխատանքային այցով Ռուսաստանի մայրաքաղաքում է: Ինչպես փոխանցում է ТАСС-ը, հանդիպումը փակ դռների հետևում է անցնելու՝ առանց լրագրողների. չի լինի ո՛չ պաշտոնական հանդիպումներին բնորոշ բաց հատվածը, ո՛չ էլ արդյունքներն ամփոփող մամուլի ասուլիսը:

Նախորդ շաբաթ հայտնի էր դարձել, որ ԱՄՆ երկրորդ դիվանագետը Ռուսաստան և Լիտվա է այցելելու՝ Բելառուսւոմ ստեղծված իրավիճակը քննարկելու նպատակով, նման պատրաստակամության մասին հաստատել էին նաև Մոսկվայում: Տեղեկություն կա նաև, որ Բիգենը Լիտվայի մայրաքաղաքում հանդիպելու է նաև Բելառուսի նախագահի ընդդիմադիր նախկին թեկնածու Սվետլանա Տիխանովսկայայի հետ:

Բիգենը հանդիպելու է նաև Լավրովի տեղակալ Սերգեյ Ռյաբկովի հետ՝ քննարկելու ռուս-ամերիկյան երկկողմ հարաբերությունների օրակարգին վերաբերող ընթացիկ հարցերը, և փոխարտգործնախարարներից մեկ ուրիշի՝ Իգոր Մորգուլովի հետ՝ քննարկելու Կորեական թերակղզում առկա իրադրությունը:

Այս թեմայով Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները… ԱՄՆ-ն ցանկանում է Պուտինին տեսնել Մայամիում կայանալիք G20 գագաթնաժողովում Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Թրամփը հայտարարել է, որ Ռուսաստանն ու Ուկրաինան առաջին անգամ ցանկանում են վերջ դնել հակամարտությանը «Ժողովուրդ». Խունդկարյանը ՍԴ ընտրություններում փոխել է իրավիճակը