Բացահայտվել են Իրանում կործանված Ուկրաինական Boeing 737 - ում մարդկանց զոհվելու մանրամասները

Ուկրաինական Boeing 737-800 օդանավում՝ հրթիռի առաջին հարվածից հետո, ողջ մարդիկ են մնացել։ Նրանց մահվան մանրամասները, վկայակոչելով «սեւ արկղի» տվյալները, բացահայտել է Իրանի քաղաքացիական ավիացիայի ասոցիացիան, հաղորդում է Newsweek-ը:

Հաղորդվում է, որ ինքնագրիչը ձայնագրել է առաջին եւ երկրորդ օդաչուների միջեւ մոտ19 վայրկյան տևած խոսակցությունը այն բանից հետո, երբ ինքնաթիռը խոցվել է հրթիռով: Այնուհետև ձայնագրությունն ընդհատվել է։ Առաջին եւ երկրորդ հարվածների միջեւ անցել է 25 վայրկյան: Մինչև վերջին պահը օդաչուները կառավարել են ինքնաթիռը։

Նաեւ ստացված տվյալները ցույց են տվել, որ ինքնաթիռը չի խախտել օդային միջանցքի սահմանված սահմանները, իսկ հրթիռի հարվածից որոշ ժամանակ անց նրա շարժիչները շարունակել են աշխատել: Ուղևորատար սրահի ձայնագրությունները չեն պահպանվել, ձայնագրող մեխանիզմները կարող էին վնասվել պայթյունով։

Ավելի վաղ Ուկրաինայում հայտնել էին, որ Իրանը խոչընդոտել է ինքնաթիռի կործանման հետաքննությանը։ Հունվարի 16-ին հայտնի է դարձել, որ Կանադան սկսել է իր հետաքննությունը՝ Թեհրանի մերձակայքում Ուկրաինական «Բոինգի» աղետի հետ կապված:

«Ուկրաինայի միջազգային ավիաուղիներ» - ի Boeing 737-800-ը այրվել է եւ ընկել հունվարի 8-ին՝ Թեհրանի օդանավակայանից թռիչքից անմիջապես հետո: Զոհվել է 176 մարդ, այդ թվում՝ Ուկրաինայի 11 քաղաքացի։

Հունվարի 11-ին Իրանը խոստովանել էր, որ սխալմամբ է խոցել ինքնաթիռը։ Իրանի ԱԳ նախարար Մոհամադ Ջավադ Զարիֆը պարզաբանել է, որ այն թույլ է տրվել ճգնաժամային շրջանում ԱՄՆ-ի «արկածախնդրության» պատճառով:

Այս թեմայով Դմիտրի Մեդվեդևը իսկապես վախեցրել է եվրոպացիներին. Ուկրաինական գնդապետ Մոսկվայի վրա ուկրաինական զանգվածային հարձակման արդյունքում կան զոհեր և ավերածություններ Ուկրաինական աղբյուրներ. Կիևին հասցվել է գիշերային չափազանց հզոր հրթիռային հարվածներ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Դրապատին զեկույցել է Զելենսկիին, որ այլևս չի կարող երաշխավորել Դոբրոպոլեի պահպանումը. Ուկրաինական աղբյուր