​​​​​​​Պատգամավորը դիմում է միջազգային կառույցներին

Օգոստոսի 22-ին, ժամը՝ 19:30-ի սահմաններում մարտական հենակետը ստուգելու նպատակով սպա Գուրգեն Ալավերդյանը եղանակային խիստ անբարենպաստ պայմանների պատճառով շփոթվել եւ մոլորվել է՝ հայտնվելով Ադրբեջանի տարածքում: Ադրբեջանի պաշտպանության նախարարության` դիվերսիայի մասին տարածած հաղորդագրությունը ապատեղեկատվություն է, որի համաձայն մոլորվածը ներկայացվում է որպես դիվերսանտ: Այս մասին շեշտում է ԱԺ «Լուսավոր Հայաստան» խմբակցության պատգամավոր ԱՆՆԱ ԿՈՍՏԱՆՅԱՆԸ եւ հավելում. «Ադրբեջանի կողմից տարածվել է 45 վայրկյան տեւողությամբ տեսանյութ, որտեղ հայ գերի ընկած սպայի աչքերը փակել եւ տեսանկարահանել են՝ նսեմացնելով ազգային պատկանելությունը, արժանապատվությունը վիրավորող սեռական բնույթի հայհոյանքներ հնչեցնել։ Այս ամենը միջազգային նորմերի կոպիտ խախտում է, ռազմագերիների նկատմամբ վերաբերմունքի բազմաթիվ նորմատիվների կոպիտ խախտումով, այն էլ այն պարագայում, երբ սպային ռազմագերի համարել չի կարելի, քանի որ նա գերի ընկել ոչ ռազմական գործողությունների արդյունքում։ Հարգելի՛ միջազգային կառույցներ, խնդրում եմ հնարավորինս արագ արձագանքել Ադրբեջանի կողմից տարվող հերթական ոչ մարդկային արարքին»։

Այս թեմայով Հուսիթները խոցել են Էր-Ռիադի միջազգային օդանավակայանի վառելիքի բազան Ռուսաստանը և Ուկրաինան քաղաքացիական անձանց փոխանակում են իրականացրել Բելառուսի միջոցով Գեւորգ Սուջյանը նորություն ունի Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները