Չորս արդյունավետ մեթոդ զարկերակային բարձր ճնշումն առանց դեղորայքի կարգավորելու համար

Զարկերակային բարձր ճնշումը շատ տարածված խնդիր է, որը համարվում է սրտի նոպաների, գլխուղեղի կաթվածի, անոթալայնանքի, կոգնիտիվ գործառույթների թուլացման ու երիկամային անբավարարության զարգացմանը նպաստող հիմնական գործոններից մեկը։ Այս հիվանդության դեպքում սովորաբար նշանակվում են զարկերակային ճնշումը կարգավորող դեղամիջոցներ, սակայն դրանք կարող են հանգեցնել մի շարք կողմնակի բարդությունների, այդ թվում՝ անքնության, ոտքերի ջղաձգումների, գլխապտույտների և այլն։ Նման տհաճ բարդություններից խուսափելու համար մասնագետները խորհուրդ են տալիս փոխարինել դեղորայքը խնդրի դեմ պայքարի բնական միջոցներով, ուստի ձեր ուշադրությանն ենք ներկայացնում չորս փորձված ու արդյունավետ միջոց, որոնք կօգնեն կարգավորել ճնշումն ու միաժամանակ խուսափել դեղամիջոցների վնասակար ազդեցությունից։

Փոխարինել աղը բույսերով

Աղի չարաշահումը, ինչը ներկայում շատ տարածված ու լուրջ խնդիր է, նպաստում է արյան ճնշման բարձրացմանը, ուստի այս մթերքի գործածությունը հարկավոր է խիստ սահմանափակել։ Հնարավորինս քիչ աղ օգտագործելու և դրանով իսկ զարկերակային ճնշումը նվազեցնելու համար կարելի է աղը փոխարինել տարատեսակ բույսերով ու սոխով։

Հետևել քաշին

Զարկերակային գերճնշման զարգացմանը նպաստող հիմնական գործոնը համարվում է ճարպակալումը, ուստի քաշը հարկավոր է պահել վերահսկողության տակ։ Հետազոտությունները ցույց են տվել, որ յուրաքանչյուր մեկ կիլոգրամ ավելորդ քաշից ազատվելու դեպքում զարկերակային ճնշումը նվազում է 1,5 մմ/սս-ով։ Առողջ քաշի պահպանումն իսկապես շատ արդյունավետ միջոց է զարկերակային գերճնշումն առանց դեղորայքի կանխարգելելու համար, ուստի մարմնի զանգվածի ինդեքսը հարկավոր է պահել 18,5-24,9-ի սահմաներում։

Պահպանել ֆիզիկական ակտիվությունը

Այնպիսի մարզաձևերը, ինչպիսին են դանդաղ վազքը, հեծանվասպորտն ու լողը, արդյունավետ կերպով նվազեցնում են զարկերակային ճնշումը։ Ցանկալի արդյունքին հասնելու համար մարզումներին հարկավոր է տրամադրել շաբաթական 150 րոպե։ Ընդ որում՝ մարզումները պետք է ստիպեն մի փոքր քրտնել, այլապես բավական արդյունավետ չեն լինի։

Խուսափել սթրեսներից

Մշտական անհանգստությունը ևս նպաստում է զարկերակային ճնշման բարձրացմանը, ուստի հարկավոր է սովորել ամեն երեկո պարզապես մոռանալ խնդիրների մասին ու հանգստանալ։ Այս հարցում շատ օգտակար կարող են լինել շնչառական վարժություններն ու յոգան, որոնք թուլացնում են ու օգնում են ազատվել սթրեսից և անհանգստությունից։

Նյութի աղբյուրը՝ Focus.de

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Գեւորգ Սուջյանը նորություն ունի Հորոսկոպ սեպտեմբերի 19-ի համար. անկեղծ զրույց՝ Խոյերին, անհաջողություն՝ Առյուծներին