Երեք համեղ գաղափար նախաճաշի համար

Սովորական նախաճաշը, որը մատուցվում է ամբողջ աշխարհի հյուրանոցներում, կոչվում է եվրոպական մայրցամաքի (կոնտինենտալ) նախաճաշ: Այս ավելի շատ թեթեւ սնունդ է, որն օգնում է մինչեւ ճաշ դիմանալ: Կոնտինենտալ նախաճաշի ցանկում սովորաբար կարող են լինել եգիպտացորենի փաթիլներ, ապխտած մսի բարակ շերտ, պանիր, յոգուրտ, մեղր, մրգային հյութ, եփած ձու եւ կաթ: Ըմպելիքներից` կաթով սուրճ, թեյ եւ նարնջի հյութ:

Դասական կոնտինենտալ նախաճաշ

Ահա դասական կոնտինենտալ նախաճաշի մի քանի տարբերակ

1. Ապխտած մսով, լոլիկով եւ պանրով սենդվիչ

Բաղադրիչները

2 կտոր սեւ տոստի հաց

2 կտոր ապխտած միս

1 կտոր պանիր

կես լոլիկ

2 հատ հազարի տերեւ

24 գրամ կարագ

Պատրաստման եղանակը. կարագը քսել հացի վրա, վրան դնել պանիրն ու ապխտած միսը, այնուհետեւ՝ շրջանաձեւ կտրատած լոլիկը: Փակել հազարի տերեւներով եւ հացի երկրորդ կտորով: Ապխտած մսով, լոլիկով եւ պանրով սենդվիչը պատրաստ է:

2. Կրուասան

Բաղադրիչները

230 գր. ցորենի ալյուր (անհրաժեշտության դեպքում ավելացնել 3-4 ճաշի գդալ)

15 գրամ թարմ խմորիչ

½ թեյի գդալ աղ

1 ճաշի գդալ շաքարավազ

110 գրամ կարագ

3 ճաշի գդալ կաթ

Պատրաստման եղանակը. ալյուրը մեծ ամանի մեջ մաղել, բլրակի տեսք տալ եւ կենտրոնում փոսիկ անել: Մեկ այլ ամանի մեջ լցնել խմորիչը եւ 2-3 ճաշի գդալ տաք ջուր, խառնել, լցնել փոսիկի մեջ, խառնել ալյուրի շուրջ 1/4 մասի հետ: Ստացված խմորից գունդ պատրաստել:

Գնդին խաչաձեւ տեսք տալ, դնել մեծ ամանի մեջ եւ վրան տաք ջուր ավելացնել: Մնացած ալյուրին ավելացնել աղը, շաքարավազը, կարագի կեսը, կաթը եւ միատարր խմոր հունցել: Խմորն ալյուրոտ տախտակի վրա հունցել այնքան, մինչեւ այն դառնա հարթ եւ առաձգական:

Երբ խմորե գունդը ջրի մեջ վերեւ կբարձրանա եւ երկու անգամ մեծացած լինի, պետք է հանել այն, չորացնել եւ խառնել մյուս խմորին: Հունցել մինչեւ միատարր դառնալը, դնել ալյուրով պատված թավայի մեջ, կափարիչով ծածկել եւ մեկ գիշեր թողնել սառը տեղում:

Այնուհետեւ խմորն ուղղանկյունաձեւ բացել, բաժանել երեք մասի (բարձրությամբ): Ուղղանկյան մեջտեղի մասում բարակ շերտով կարագ քսել:

Ուղղանկյան աջ մասը կարագով փակել, ձախ կողմով ծածկել աջը: Փաթաթված խմորը 90 աստիճան շրջել, բաց եզրերի կողմից գրտնակել: Եռածալ անել, շրջել եւ նորից գրտնակել: Շուրջ 15 րոպե դնել սառնարանը՝ հանգստանալու: Այս գործողությունը կրկնել եւս երեք անգամ:

Խմորը բացել շուրջ 3 մմ հաստության, երկարության կողմից երեք հավասար մասի բաժանել, յուրաքանչյուր մասը եռանկյունաձեւ կտրել:

Եռանկյունիները լայն հատվածից սկսած փաթաթել, կիսալուսնի տեսք տալ: Դնել ալյուրով պատված թավայի վրա, շուրջ 5 րոպե թխել 220 աստիճանով, հետո ջերմաստիճանը նվազեցնել մինչեւ 200 աստիճան եւ թողնել եւս 15 րոպե կամ մինչեւ պատրաստ լինելը: Պատրաստ կրուասանները պետք է մեծ լինեն եւ ոսկեգույն դառնան:

Կրուասանների համար օգտագործում են ինչպես քաղցր միջուկներ, օրինակ՝ շոկոլադ, ընկույզ, կրեմ, մուրաբա, մրգեր, այնպես էլ ոչ քաղցր՝ պանիր, խոզապուխտ, բանջարեղեն:

3. Մրգերով եւ եգիպտացորենի փաթիլներով յոգուրտ

Բաղադրիչները

1 հատ բանան

150 գրամ հատապտղային խառնուրդ

200 մլ յոգուրտ

2-3 ճաշի գդալ եգիպտացորենի փաթիլներ

հապալաս` զարդարելու համար

Պատրաստման եղանակը. սառեցված հատապտուղները կես յոգուրտի հետ հարել: Բանանը մաքրել եւ կտրատել: Շերտերով շարել բանանը, հատապտուղների խյուսը, յոգուրտն ու եգիպտացորենի փաթիլները: Աղանդերը զարդարել հապալասով եւ փաթիլներով:

Աղբյուրը՝ IVONА, Gotovim.ru

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Գեւորգ Սուջյանը նորություն ունի Հորոսկոպ սեպտեմբերի 19-ի համար. անկեղծ զրույց՝ Խոյերին, անհաջողություն՝ Առյուծներին 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան