«Երուսաղէմէն՝ Տաւուշ». «Ֆրեսկո»-ի շրջանակներում ցուցադրվեց  «Ծանոթանանք Հայ Երուսաղեմին» ծրագիրը

«Ֆրեսկո» արդի արվեստի եւ հոգեւոր ֆիլմերի 7-րդ միջազգային փառատոնը մեկնարկեց  Բերդում՝ «Բերդ»  պարային անսամբլի բացօթյա մենահամերգով, որին հաջորդեց բանաստեղծուհի, հրապարակախոս ԱՆՈՒՇ ՆԱԳԳԱՇՅԱՆԻ հեղինակային «Երուսաղէմէն՝ Տաւուշ». ծանոթանանք Հայ Երուսաղեմին»  ծրագրի ցուցադրումը, որը պատրաստել է Հոգեշնորհ Տ. ՂԵՎՈՆԴ վարդապետ ՀՈՎՀԱՆՆԻՍՅԱՆԸ։

«Հայր Ղեւոնդի հետ մենք «Ծանոթանանք Հայ Երուսաղեմին»  հաղորդաշարն ենք պատրաստում, որը Երուսաղեմի կյանքի մասին է, եւ ցանկանում էինք ընդգրկել  նաեւ Հայ երիտասարդաց միության ամառային դպրոցը, որի ժամանակ տեղի ունեցավ տավուշյան դեպքերը։ Բոլորս մեր տներում նստած կարող ենք լսել, խոսել այդ ամենի մասին, բայց երբ դու մանկավարժ ես, ապա պետք է ապագա սերունդին փոխանցես գիտելիքներ, քանի որ, երբ նրանք մեծանան, դժվար թե մոռանան սովորածը։ Հայրենասիրությունը հենց փոքր տարիքից պետք թրծել երեխաների մեջ, եւ այս պատճառով որոշեցինք հաղորդում պատրաստել այս թեմայով, որպեսզի փոքրերի մեջ հայրենսիրությունն ավելի ամրացնենք։ Կարծում եմ՝ նրանք ոչ միայն ամառները պետք է  գնան վայելեն հայրենիքը, այլ այնտեղ կատարվող ամեն մի իրադարձությունով ապրեն։ Եթե մենք ուզում ենք հայ մնալ, ապա մեզ պետք է հետաքրքիր լինի այն ամենը, ինչ կատարվում է Հայաստանում, իսկ Տավուշի վրա հարձակումը, ԼՂ-ի վրա հարձակումը եւ մեր զոհերը, որ եղան մեծ ցավ է  բոլորիս համար։ Որոշեցինք այս հաղորդումը նվիրել հայ զինվորներին, որ նրանք իմանան, որ Հայաստանից դուրս հայերը, եւ ոչ միայն իրենց բարեկամներն ու ընկերները, այլ բոլորն իրենց աղոթքների մեջ հիշում են իրենց», - ասաց Անուշ Նագգաշյանը եւ հավելեց, որ իր համար շատ հուզիչ է, որ «Ֆրեսկոյի» շրջանակներում առաջինը հենց Տավուշում ցուցադրվեց հաղորդաշարը։

Անուշ Նագգաշյանի խոսքով՝ Երուսաղեմը չնայած, որ հարուստ գաղութ է՝ կա հայկական դպրոց, եկեղեցի, գրադարաններ, բայց մի տեսակ մեկուսացած է այն առումով, որ այստեղ մնացած քիչ հայերը ամեն բանի ներկա են գտնվում, բայց այստեղ արվեստագետը առիթ չունի բացվելու եւ ավելի ճանաչվելու։

«Բարեբախտաբար հայրենիքը մեզ տալիս է ճանաչվելու հնարավորություն, եւ մտածեցինք այս հաղորդման մեջ մեր հայ արվեստագետները եւս իրենց մասնակցությունն ունենան։ Դժվար գործը Հայ Ղեւոնդինն է, ով ժամերով պատրաստում է այս հաղորդաշարը։ Հաղորդման հիմնական ասելիքն այն է, որ սփյուռքը չի կարող հեռու մնալ հայրենիքից։ Սփյուռքում մեծացող փոքրիկն էլ պետք է չմոռանա, որ այնտեղ կա թշնամի, որը խոչընդտում է մեր կյանքի ընթացքը, մեր քունն է խանգարում՝ արցունք բերելով մայրերին, քույրերին եւ բոլորին։ Հայրենիքը եւ սփյուռքը պետք է միասին գործեն»,- նշեց Անուշ Նագգաշյանը։

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Այսօր 44-օրյա պատերազմում զոհված Ալբերտ Հովհաննիսյանի ծննդյան օրն է Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում