Քանյե Ուեսթը ԱՄՆ նախագահական ընտրություններին մասնակցելու հայտ է ներկայացրել

Ամերիկացի ռեփեր Քանյե Ուեսթը ԱՄՆ նախագահական ընտրություններին մասնակցելու հայտ է ներկայացրել։ Այս մասին հայտնում է Nola-ն։

Հիփ-հոփ-կատարողը հանձնել է անհրաժեշտ փաստաթղթերը Լուիզիանա նահանգում, որտեղ քվեաթերթիկում անուն մտցնելու համար չի պահանջվում հազարավոր ստորագրություններ, այլ բավական է վճարել 500 դոլարի չափով գրանցման վճարը: Ընդ որում, ի սկզբանե, ռեփերը հայտ է ներկայացրել Նյու Ջերսի նահանգում։

Բացի Ուեսթից, Լուիզիանայում ԱՄՆ-ի նախագահական ընտրություններին մասնակցելու հայտ են ներկայացրել եւս 10 անկախ թեկնածուներ:

Ուեսթը սատարել է պետության գործող նախագահ Դոնալդ Թրամփին՝ 2016-ի նախագահական ընտրություններում հանրապետականի հաղթանակից հետո: Նա մի քանի անգամ հանդիպել է նախագահի հետ եւ հաճախ կրել է նրա ֆիրմային գլխարկը՝ «Ամերիկան կրկին մեծ դարձնենք» գրությամբ։ Սակայն հուլիսին ռեփ-երգիչը հայտարարել էր, որ իր թեկնածությունն է առաջադրել ԱՄՆ նախագահի պաշտոնում։ Նա նշել է, որ «հանում է Կարմիր գլխարկը» եւ այլեւս չի աջակցում Թրամփին։ Չնայած դրան, ԱՄՆ նախագահը հույս է հայտնել, որ ռեփերը կաջակցի իրեն գալիք ընտրություններում:

ԱՄՆ նախագահի ընտրությունները տեղի կունենան 2020 թվականի նոյեմբերի 3-ին: Հանրապետականների կողմից առաջադրվում Է Թրամփը, դեմոկրատներից՝ նախկին փոխվարչապետ Ջո Բայդենը։

Այս թեմայով Մեզ մենակ սա էր «պակասում»․ ԶԱՐՄԱՆՔ Քուշներ. ԱՄՆ-ն ցանկանում է կառուցել նոր եվրոպական անվտանգության համակարգ, որը հաշվի կառնի Ռուսաստանի շահերը ԱՄՆ նոր Կոնգրեսը կունենա բացահայտ ԼԳԲՏ-ականների ռեկորդային թիվ Ռուբիոն հերքել է Թրամփի վարչակազմը լքելու մասին լուրերը Թրամփի պարտությունից հետո ԱՄՆ Սենատի դեմոկրատ առաջնորդը խոստացավ դադարեցնել Իրանի հետ պատերազմը