Հայաստանում կանցկացվի FIBA 3 x 3 սթրիթբոլի առաջին պաշտոնական մրցաշարը

Հայաստանում առաջին անգամ կանցկացվի 3×3 բասկետբոլի Հայաստանի գավաթի խաղարկությունը:
Այս մասին հայտնում է ֆեդերացիայի մամուլի ծառայությունը։
Հայաստանի բասկետբոլի ֆեդերացիան Splash League-ի հետ համատեղ, առաջիկա կիրակի՝ օգոստոսի 23-ին, ժամը 13:00-ին կանցկացնի FIBA 3 x 3 սթրիթբոլի առաջին պաշտոնական մրցաշարը։
Մրցաշարը կանցկացվի FIBA 3×3 պաշտոնական կանոններին համաձայն։ Յուրաքանչյուր մասնակից կստանա միջազգային վարկանիշ։

Այն կկայանա Երևանի Cascade Art Playground-ի խաղահրապարակում։

Նշենք, որ խաղադաշտի նկարազարդումն իրականացրել է մոլդովացի սթրիտ արտիստ Դմիտրի Պոտապովը, որին օգնել է ՌԴ-ից ժամանած Էդվարդ Հովսեփյանը: Դաշտի մակերեսը  400 քառ. մետր է։

Նկարազարդման աշխատանքը տևել է յոթ օր, որի վրա ծախսվել է 150 լիտր ներկ: Cascade Art Playground-ը միավորում է արվեստը, սպորտը, անհոգ մանկությունն ու քաղաքում նոր՝ տարբերվող մի վայր ունենալու հնարավորությունը:

Նախագծի հեղինակը Պետրոս Ծամերյանն է, համահեղինակը՝ Գրիգոր Բաղդագուլյանը, իսկ ֆինանսավորմանն աջակցել է Awesome Foundation Yerevan-ը:

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար «Փաստ». Տնտեսական «ապոկալիպսիսը» կբերի՞ Հայաստանում իշխանափոխության Նախկին վարչապետի ընտանիքը սգում է Իջեւան համայնքի առեղծվածն ու զարգացման գաղտնիքը ԱՄՆ-ն իր առաջին տիեզերական զենքն է տեղակայել ուղեծրում