Նուռնուս-Չարենցավան հատվածում բեռնատարը բախվել է գնացքին

Նուռնուս-Չարենցավան հատվածում գնացքների շարժը գրեթե 3 ժամով դադարեցվել է` ճանապարհատրանսպորտային պատահարի պատճառով: Այս մասին հայտնեցին Հարավկովկասյան երկաթուղու Հասարակայնության և ԶԼՄ-ների հետ կապերի բաժնից:

Օգոստոսի 22-ին, ժամը 9-ին Չարենցավան-Նուռնուս երկաթուղային հատվածում գտնվող գծանցքի մոտակա ավազահանքին պատկանող դատարկ բեռնատարը բախվել է բեռնատար գնացքի լոկոմոտիվին: Այնուհետև մեքենան բախվել է մոտակայքում գտնվող շինությանը, որը նույնպես պատկանում է «Հարավկովկասյան երկաթուղի» ընկերությանը: Վարորդը դեպքի վայրից դիմել է փախուստի:

Բեռնատարը էական վնասվել է, վնասվել են լոկոմոտիվի մեկուսիչը և էներգաընդունիչը: Ներկայումս երկաթուղուն հասցրած վնասի չափը ճշտվում է:

Անմիջապես դեպքի վայր են կանչվել գնացքների երթևեկության անվտանգության գլխավոր վերահսկիչի ապարատի մասնագետներ, վերանորոգման խմբեր, Ճանապարհային ոստիկանության ներկայացուցիչներ: Դեպքի վայր է ուղարկվել նաև պահեստային լոկոմոտիվ: Երթևեկությունը դադարեցվել է 2 ժամ 42 րոպեով:

https://news.am/arm/news/598190.html?fbclid=IwAR1tMl8AuUbuvt1isgwqNA5g6Py7HlmDriUoAXo3TOUdZPo5VXSBG0iAhIs

Այս թեմայով Կային առաջնահերթությունների տարբերություններ. Քաղաքագետը Փաշինյան-Պուտին հանդիպման մասին ՀՐԱՏԱՊ. Ավտոբուսը շրջվել է, 5 մարդ մահացել է Իրանը թևավոր հրթիռներ է արձակել Հորմուզի նեղուցի հատվածում գտնվող ամերիկյան ռազմանավերի վրա ԱՄՆ-ում թեթև ինքնաթիռն օդանավակայանում թռիչքի պահին բախվել է ոստիկանական ուղղաթիռին (Տեսանյութ) Մահացած զինծառայողի ընտանիքին արդարություն է պետք, ոչ թե արագ հայտնաբերված մեղավոր կամ քավության նոխազ․ Բացառիկ զրույց հայտնի իրավապաշտպանի հետ