«Հրապարակ». ԿԳՄՍՆ-ի` կորոնավիրուսի պայմաններում ուսհաստատությունների համար առաջարկած ուղեցույցն ավելի շատ հարցականներ է առաջացնում

ԿԳՄՍ նախարարությունը երկար-բարակ մշակումներից հետո վերջապես հրապարակեց այն ուղեցույցը, որով պետք է առաջնորդվեն հանրակրթական ուսհաստատությունները կորոնավիրուսի պայմաններում ուսումնա­կան գործընթացը կազմակերպելիս: Ծանր ու դժվար իրականանալի մի փաստաթուղթ, որն ավելի շատ հարցականներ է առաջացնում, քան ուղղություն ցույց տալիս: Փաստա­թուղթ, որը կարող է թվալ, թե գրվել է սովետական ժամանակների սանէպիդկայանի աշխատողների ձեռքով, որոնք միայն կանոններ սահմանելու տերն են, և որոնց չի հետաքրքրում, թե դրանք ինչպես են կյանքի կոչվե­լու:
Բացի այն, որ երեխաներին դի­մակ պարտադրելն է լինելու բարդ, այլև ինչպես են նրանց արգելե­լու դասամիջոց անելն ու միմյանց հետ շփվելը: Ինչո՞ւ են որոշել, որ չպետք է գործեն առարկայական կաբինետներն ու բուֆետները, եթե, ասենք, բոլոր սրճարանները գործում են: Կամ` ինչ իմաստ ունի գրատախտակի օգտագործումն արգելելը, իսկ ստուգողականները ոչ թե տետրերում, այլ թերթիկնե­րի վրա գրելը:
Ո՞վ է որոշել, որ իր կյանքը վտանգելով դպրոց եկող ուսուցիչն ու այն ուսուցիչը, որը հրա­ժարվել է աշխատելուց, պետք է նույն վարձատրությունը ստանան: Կամ` ինչպես են կարողանալու մինչև սեպտեմբերի 15-ը թեստավորել բո­լոր ուսուցիչներին և դպրոցական անձնակազմերին:
Եվ ո՞վ է որոշել, որ դասասենյակները 54 քառակուսի մետր պետք է լինեն կամ նվազա­գույնը` 42: Ինչպես են կարողանալու դասաբաշխում անել, դասացուցակ կազմել տնօրենները այս սահմա­նափակումների պարագայում և այսքան կարճ ժամանակում: Կա­րողանալո՞ւ են արդյոք բոլոր դպրոց մտնողների ջերմաչափումն ու հա­տուկ ձևաթղթում գրանցումն ապա­հովել: Եվ ամենակարևորը` ինչպես են երեխաները հասնելու դպրոց, մեր տրանսպորտային ցանցն ի վիճակի՞ է այդ տեղափո­խումը պատշաճ կազմա­կերպել»,-գրում է թերթը։
Նյութն ամբողջությամբ կարդացեք թերթի այսօրվա համարում:

Այս թեմայով ՇՏԱՊ. 36-ամյա գործարարին մահացած են գտել. Հրապարակ ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Շատ մեծ հոսք է․ 3 ժամում քվեարկել է ՌԴ 1800 քաղաքացի. Կոպիրկին Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ռուսաստանի երկնքում խոցվել է ավելի քան 1600 ԱԹՍ. Սոբյանին