«Հրապարակ». ՍԴ «ճգնաժամի» վերջը չի երեւում

Երբ կառավարությունը, Դատավորների ընդհանուր ժողովը եւ ՀՀ նախագահը ներկայացրին ՍԴ դատավորի իրենց թեկնածուներին, թվում էր՝ ՍԴ-ն կհամալրվի, եւ գործընթացը ավարտին կհասնի, բայց պարզվեց, որ 3 թեկնածություններն էլ միանշանակ չեն ընդունվում: Կառավարության առաջադրած Վահրամ Ավետիսյանը ստիպված եղավ ինքնաբացարկ հայտնել, ում փոխարեն կառավարությունը, որոշ տեղեկություններով, կառաջադրի Էդգար Շաթիրյանի թեկնածությունը։ Վերջինս անցած տարի կարճ ժամանակով եղավ կոռուպցիայի կանխարգելման հանձնաժողովի անդամ, բայց երբ քաղաքական կոմպրոմիսի արդյունքում որոշվեց հանձնաժողովի նախագահ նշանակել ԼՀԿ քվոտայով հանձնաժողով գործուղված Հայկուհի Հարությունյանին, Շաթիրյանը հրաժարական տվեց։ Լուրեր տարածվեցին, թե նա նեղացել է թիմից։ Վաղը տեղի կունենա թեկնածուի եւ «Իմ քայլի» հանդիպումը, իսկ մինչ այդ կառավարությունը պաշտոնապես կհաղորդի նրա առաջադրման մասին։ Նրա թեկնածությունը կառավարությանը հուշել են ԱԺ իրավաբան պատգամավորները։ Սակայն «Իմ քայլում» իրավիճակ չի փոխվել նախագահի առաջադրած եւ մեկ անգամ արդեն իրենց կողմից մերժված Արթուր Վաղարշյանի հարցում։ Պատգամավորները վճռական են տրամադրված՝ «թքածը չեն լիզելու»․ նրան չեն ընտրելու։ Փոխարենը մեծ մասը լոյալ է տրամադրված Դատավորների ընդհանուր ժողովի առաջադրած թեկնածուի՝ Երվանդ Խունդկարյանի հարցում։ Նրան են դիտարկում նաեւ ՍԴ նախագահի պաշտոնում։ Օգոստոսի 19-ին «Իմ քայլի» հետ հանդիպմանը նրան չեն նեղել, թեպետ նա համարվում է նախկին իշխանությունների կամակատարը։

Բանն այն է, որ կադրերի դեֆիցիտ կա, եւ իրեն հարգող իրավաբանը չի ցանկանում մտնել մի գործընթացի մեջ, որն անորոշ ապագա ունի, իսկ իշխանությունը չի կարող անվերջ թեկնածուներ փոխել․ օգոստոսի 26-ը ՍԴ կազմը ձեւավորելու վերջնաժամկետն է։

Այս թեմայով ՇՏԱՊ. 36-ամյա գործարարին մահացած են գտել. Հրապարակ Տիրադավ հոգևորականը խաղում է կազինոյում․ «Հրապարակ» Մեծ Բրիտանիայի վերջը կարող է գալ Եվրոպան մտնում է էներգետիկ ճգնաժամի փուլ Ռուսաստանի և Ուկրաինայի հարվածները գյուղատնտեսական արտահանմանը հանգեցնում է համաշխարհային հացահատիկային ճգնաժամի. Bloomberg