Սրտամկանի համար շատ օգտակար հինգ մթերք, որոնք հարկավոր է ամենօրյա սննդակարգի մասը դարձնել

Սրտանոթային համակարգի առողջությունը պահպանելը շատ կարևոր է, քանի որ ներկայում հենց այս համակարգի հիվանդություններն են համարվում մարդկանց վաղաժամ մահվան հիմնական պատճառը, սակայն շատ մարդկանց անառողջ կենսակերպն ու վնասակար սննդակարգը միայն էլ ավելի են վատթարացնում սրտի ու անոթների վիճակը՝ հանգեցնելով առողջական շատ լուրջ խնդիրների զարգացման։ Այնուամենայնիվ մասնագետները վստահ են, որ սննդակարգում որոշակի մթերքի ներառումը թույլ կտա զգալիորեն բարելավել սրտանոթային համակարգի վիճակն ու կանխել մի շարք վտանգավոր խանգարումների զարգացումը։

Ձեր ուշադրությանն ենք ներկայացնում սրտամկանի համար ամենաօգտակար սննդամթերքի տեսակները, որոնք հարկավոր է անպայման ներառել ամենօրյա սննդակարգում։

Տերևավոր բանջարեղեն

Տերևավոր բանջարեղենը հարուստ է վիտամին К-ով ու նիտրատների բնական միացություններով, որոնք օգնում են նվազեցնել զարկերակային ճնշումն ու կարգավորել զարկերակների գործառույթները, ինչը միանշանակ դրական ազդեցություն է ունենում սրտամկանի առողջության վրա և օգնում է ամրապնդել այն ու պաշտպանել տարբեր հիվանդություններից։

Հատապտուղներ

Հատապտուղները հակաօքսիդանտների ամենահարուստ աղբյուրներից մեկն են։ Բազմաթիվ հետազոտություններ ցույց են տվել, որ սննդակարգում այս տարրերով հարուստ մթերք ներառելը պայքարում է սրտի հիվանդությունների զարգացմանը նպաստող մի քանի գործոնի դեմ։

Ավոկադո

Այս մթերքը հարուստ է մոնոչհագեցած ճարպերով ու կալիումով, որոնք կարող են նվազեցնել խոլեստերինի մակարդակը, կարգավորել զարկերակային բարձր ճնշումն ու խանգարգելել մետաբոլիկ համախտանիշի զարգացումը՝ դրանով իսկ նվազեցնելով նաև այնպիսի վտանգավոր ախտաբանությունների զարգացման հավանականությունը, ինչպիսին են աթերոսկլերոզն ու սրտի իշեմիկ հիվանդությունը։

Յուղոտ ձկնատեսակներ

Ձկների յուղոտ տեսակները պարունակում են մեծ քանակությամբ օմեգա-3 ճարպաթթուներ, ինչի շնորհիվ նվազեցնում են սրտի հիվանդությունների զարգացման հավանականությունը։ Սա պայմանավորված է նրանով, որ այս մթերքի գործածությունը պաշտպանում է սրտանոթային խնդիրների զարգացմանը նպաստող այնպիսի ռիսկային գործոններից, ինչպիսին են զարկերակային գերճնշումը և արյան մեջ խոլեստերինի ու տրիգլիցերիդների բարձր մակարդակը։

Մուգ շոկոլադ

Այս մթերքը հագեցնում է օրգանիզմը հակաօքսիդանտային միացություններով ու ֆլավոնոիդներով, որոնք արգելակում են զարկերակներում անոթները կարծրացնող վահանիկների ձևավորման ու սրտի իշեմիկ հիվանդության զարգացման գործընթացները։

Նյութի աղբյուրը՝ The Health Site

Այս թեմայով Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Շատ մեծ հոսք է․ 3 ժամում քվեարկել է ՌԴ 1800 քաղաքացի. Կոպիրկին Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ