Նորվեգիան ռուս դիվանագետի է արտաքսում լրտեսական սկանդալի պատճառով

Նորվեգիայի ԱԳՆ-ն որոշել է երկրից արտաքսել ռուս դիվանագետին: Ինչպես հայտնում է РИА Новости-ն՝ հղում անելով գերատեսչության ներկայացուցչին, այդ որոշումը կապված է «լրտեսական սկանդալի» հետ:

Ավելի ուշ նախարարությունից հաստատել է լուրը: Գերատեսչության տվյալներով՝ ՌԴ քաղաքացին, որի անունը չի նշվում, աշխատել է դեսպանատան առևտրային բաժանմունքում և «դիվանագիտական կարգավիճակին անհարիր» գործունեություն է ծավալել: Միևնույն ժամանակ, նախարարությունից հրաժավել են նշել, թե ինչ օրենքներ է խախտել դեսպանատան աշխատակիցը:

Ակնկալվում է, որ «պերսոնա նոն գրատա» հայտարարված դիվանագետը թագավորության տարածքը կլքի մինչև շաբաթվա վերջ:

Ավելի վաղ հայտնի էր դարձել 50-ամյա նորվեգացու ձերբակալության մասին, որին կասկածում են պետական գաղտնիքներ բացահայտելու մեջ: Նշվում է, որ նա հանդիպել է «ռուս հետախույզի» հետ և նրան տեղեկություններ է փոխանցել, որոնք կարող են «վնասել Նորվեգիայի հիմնարար շահերին»: Նրան սպառնում է մինչև 15 տարվա ազատազրկում:

Այս թեմայով Զատկի հրադադարը խորը մտախված ռուս-ամերիկյան ծուղակ էր Լոնդոնի համար. Ուկրաինական աղբյուր ՀԿԿ գլխավոր քարտուղարը «կռիվ է տվել». նորանշանակ նախագահը ազատվում է սկանդալի կենտրոնում հայտնված պաշտոնյաներից. «Ժողովուրդ» Ռուս զինվորականը փայտով ոչնչացրել է իր վրա հարձակվող անօդաչուն (Տեսանյութ) ՖՈՏՈ. 17-ամյա դեռահասը, Թրամփի պատճառով, սպանել է ծնողներին Ռուս զինվորականները խոցել են Ուկրաինայի օդանավակայանի ենթակառուցվածքը