«Հատկապես ո՞ր սխրագործության համար են բոլոր 71 հոգին պարգևատրվել, կամ դեռ պետք է պարգևատրվեն «Մարտական խաչ» շքանշանով». Սերժ Սարգսյան

«Ապրլյան քառօրյան և տավուշյան գործողությունները որևէ կերպ չի կարելի համեմատել իրար հետ։ Մի բան է լայնածավալ ռազմական գործողությունները, որ մղվում էին 200 կմ-ից ավելի հատվածում, մեկ այլ բան է մարտական բախումը, որ տեղի է ունենում մի քանի հարյուր մետր հատվածներում,- ասել է ՀՀ 3-րդ նախագահ Սերժ Սարգսյանը։

Նա արձանագրել է, որ Տավուշում մեր զինված ուժերն իրենց լավագույնս դրսևորեցին և դրանով լուծեցին չափազանց կարևոր խնդիր։

«Ես շատ ուրախ եմ, որ հերթական անգամ հայկական զինված ուժերն իրենց դրսևորեցի լավագույնս։ Սա պետք է գնահատել և սրա համար շնորհավորել մեր զինված ուժերին, բայց նույնը պետք էր անել 2018 թվականին մայիս – հունիս ամիսներին՝ Նախիջևանի ուղղությամբ։ Դա անհրաժեշտություն էր։ Այստեղ երկու նկատառում ունեմ։ Առաջին հերթին՝ ցանկալի կլիներ, որ մեր հանրությունը, այդ թվում նաև ես, ավելի հանգամանորեն տեղեկացված լինեինք, թե հատկապես ո՞ր սխրագործության համար են բոլոր 71 հոգին պարգևատրվել, կամ դեռ պետք է պարգևատրվեն «Մարտական խաչ» շքանշանով։

Սա չափազանց կարևոր հանգամանք է՝ հատկապես ինձ համար։ Երկրորդ նկատառումս այն է, որ 1994 թվականին կնքած հրադադարից հետո, երբ առաջին անգամ ՀՀ 1-ին նախագահ Լևոն Տեր Պետրոսյանը ի մի էր բերում նախորդ չորսը տարիների ռազմական գործողությունները և դրանցում ակտիվ մասնակցություն ունեցողներին, այդ թվում Շուշիի և այլ ռազմական օպերացիաները, ընդամենը երկու տասնյակ մարդ պարգևատրվեց «Մարտական խաչ» շքանշանով։ Ես սա որևէ մեկին կշտամբելու համար չեմ ասում»,- ասաց Ս.Սարգսյանը։

Այս թեմայով Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել