Ընտրական հանձնաժողովի արձանագրությունը ստորագրելուց հրաժարված թանգարանի տնօրենին մահացած են գտել

Վոլկովիսի թանգարանի տնօրենին, ով հրաժարվել է ստորագրել ընտրական հանձնաժողովի արձանագրությունը եւ անհետացել, մահացած են գտել: Այս մասին հայտնել է «Անգել» որոնողափրկարարական ջոկատը, գրում է բելառուսական «TUT.BY» կայքը։

Պարբերականը, վկայակոչելով ստացված տեղեկությունը ճշտում է, որ Կոնստանտին Շիշմակովի մահը քրեական բնույթ չի կրում, իսկ նրա մահվան հանգամանքները նման են ինքնասպանության:

29-ամյա Կոնստանտին Շիշմակովը՝ Վոլկովիսի Բագրատիոնի անվան ռազմապատմական թանգարանի տնօրենը կորել է օգոստոսի 15-ին։ Նա հրաժարվել է ստորագրել ընտրական հանձնաժողովի արձանագրությունը, զանգահարել է կնոջը ՝ ժամը 17: 00-ի սահմաններում եւ ասել. «Ես այստեղ այլեւս չեմ աշխատի, գալիս եմ տուն»։ Բայց տուն այդպես էլ չի եկել.

Բելառուսական հրատարակությունը նաեւ հրապարակում է մահացածի հոր պատմածը․ «Ամեն ինչ սկսվեց հենց 9-ին,- հիշում է Անդրեյ Շիշմակովը: - Երբ նա եղել է ընտրական հանձնաժողովում։ Նրա հետ եւս մեկ տղա կար՝ ես չեմ հիշում նրա ազգանունը։ Նրանք երկուսով չեն ստորագրել ամփոփիչ արձանագրությունը։ Որդու խոսքով՝ իրենց փոխարեն ստորագրել են։ Նա զանգել է կնոջը եւ այդ մասին պատմել»։

Հայրը նաև ասաց, որ ընտրական տեղամասում աշխատանքի ավարտից հետո իր որդուն և երկրորդ տղային առաջարկել են մեքենա, որը նրանց կհասներ տուն։ Նրանք պատասխանել են․ «Մենք ամաչելու բան չունենք, մենք ինքներս կգնանք»:

Այս թեմայով ՇՏԱՊ. 36-ամյա գործարարին մահացած են գտել. Հրապարակ «Ժողովուրդ». Իրավապահները պատրաստվում են ընտրական թեժ շրջանին «Հրապարակ»․ Ինչ «խորամանկ լուծում» է գտել ընդդիմությունը Թող ոչ մեկ մեծ-մեծ չխոսի և իրեն սրբի տեղ չդնի. Ալեն Սիմոնյան Պայմանագրային զինծառայողի են գտել կախված վիճակում