Մեր պետական պարտքն ավելի քան 7,7 միլիարդ դոլար է, բայց հպարտ քաղաքացին ուզում է պաչել ժողովրդի ծառայի ոտքը. Թևանյան

«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը ֆեյսբուքի իր էջում գրել է.

«Պաշտոնական վիճակագրության համաձայն՝ այս տարվա առաջին կիսամյակում 2019-ի նույն ժամանակահատվածի համեմատ  պետական բյուջեի համախառն եկամուտները նվազել են 41 801, 9 միլիոն դրամով։

ՀՀ պետական պարտքը 2019-ի դեկտեմբերի 31-ին ունեցածի համեմատ այս տարվա վեց ամսվա ընթացքում ավելացել է 211 879,4  միլիոն դրամով կամ 397,586 միլիոն դոլարով։

Մեր պետական պարտքը հունիսի 30-ի դրությամբ ավելի քան 7,7 միլիարդ դոլար է, որը մեր նախորդ տարվա ՀՆԱ–ի 56,7 տոկոսն է կազմում։

Ահա այսպիսի «հնարավորություններ» են առաջացել կորոնավիրուսային համաճարակի պայմաններում։ Բայց կարևորը դա չէ։ Կարևորն այն է, որ հպարտ քաղաքացին ուզում է պաչել ժողովրդի ծառայի ոտքը»:

Հիշեցնենք, որ երեկ Գեղարքունիքի մարզում շրջայցի ժամանակ մի տարեց կին, ընդառաջ գալով վարչապետ Նիկոլ Փաշինյանին, «ուզում եմ ոտդ պաչեմ» արտահայտություն անելով՝ ցանկանում էր նրա առջև ծնկի գալ:

Այս թեմայով ՇՏԱՊ. 36-ամյա գործարարին մահացած են գտել. Հրապարակ Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Ռուսաստանի երկնքում խոցվել է ավելի քան 1600 ԱԹՍ. Սոբյանին Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Փաշինյանը նպատակ ունի կտրել թաղման նպաստները