ՀՀ ՃՈ պետն էլ ճիշտ կանի, որ իր ենթականերին զգուշացնի, որ եթե վարորդը թույլ է տալիս օրենքի խախտում, ապա նրան տուգանելուց առաջ լավ կանեն, սկզբից իրենք պահպանեն օրենքը

SHAMSHYAN.com-ի տեղեկություններով, ՀՀ ոստիկանապետ, ոստիկանության գնդապետ Վահե Ղազարյանը՝ Հանրապետությունում կորոնավիրուսի հետ կապված հայտարարված արտակարգ դրության պայմաններում կարգադրել է, որպեսզի ոստիկանության ծառայողները պահպանեն պարետի հրամանները, այդ թվում՝ պարտադիր կրեն պաշտպանիչ դիմակ:

Ճանապարհային ոստիկանությունում հրամանների ապահովումը դրվել է ՀՀ ճանապարհային ոստիկանության պետ, ոստիկանության գնդապետ Եգոր Կարապետյանի վրա:

Այսօր SHAMSHYAN.com-ի ընթերցողը տեսանյութ է տրամադրել մեզ, որտեղ երևում է, որ Սայաթ-Նովա պողոտայում ճանապարհային ոստիկանը վարորդին ինչ-որ խախտման համար վարչական պատասխանատվության է ենթարկում, մինչդեռ տեսանյութում ակնհայտ երևում է, որ ճանապարհային ոստիկանը առանց պաշտպանիչ դիմակի է:

Ոստիկանապետը օրինախախտ տեսուչին երևի կհիշեցնի հայտնի «Ոսկե ցլիկը» ֆիլմի այն դրվագը, երբ Նաջարյանը հարցնում է. «Ո՞ւմ հետ էիր շաշկի խաղում: Թորգոմի՞: Կասես մի դիմում էլ նա գրի»:

Իսկ ՀՀ ՃՈ պետն էլ ճիշտ կանի, որ իր ենթականերին զգուշացնի, որ եթե վարորդը թույլ է տալիս օրենքի խախտում, ապա նրան տուգանելուց առաջ լավ կանեն, սկզբից իրենք պահպանեն օրենքը:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Եթե Թուրքիան օգնի Սաուդյան Արաբիային, մենք կհարվածենք երկաթե բռունցքով». Հուսիթների ներկայացուցիչ Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ