Հանճարեղ դերասան Ռոբերտ դե Նիրոն այսօր դարձավ 77 տարեկան

«Կնքահայրը», «Տաքսիստը», «Լավ տղաները», «Ծանոթություն ծնողների հետ», «Փորձաշրջան» եւ այլ ֆիլմերից հայտնի դերասան, հոլիվուդյան աստղ Ռոբերտ դե Նիրոն այսօր՝ օգոստոսի 17-ին, նշում է ծննդյան տարեդարձը: Դերասանը դարձավ 77 տարեկան:

Ռոբերտ դե Նիրոն ծնվել է արվեստագետների ընտանիքում: Նրա մայրը՝ Վիրջինա Ադմիրալը, զբաղվում էր նկարչությամբ եւ բանաստեղծություններ էր գրում, հայրը՝ նկարչությամբ եւ ճարտարապետությամբ:

Նա այդպես էլ չավարտեց դպրոցը: Նա երկու անգամ փոխել է դպրոցները, սակայն այդպես էլ չի ստացել ավարտական ատեստատ:

1993 թ-ին նա առաջին անգամ նկարահանվել է ֆիլմում: Այն կոչվում էր «Հարսանյաց խնջույք», որը, սակայն, էկրաններ է բարձրացել 1969 թ-ին:

Նա սիրում է կատարելություն: Այս հատկանիշը դերասանը ժառանգել է հորից՝ Ռոբետ դե Նիրո ավագից, որը, ինչպես արդեն նշեցինք, նկարիչ էր, որն ամեն առարկա խորությամբ ուսումնասիրում էր, մինչեւ աշխատանքի անցնելը:

Ատամների հետ կապված առեղծվածային պատմությունը.

«Վախ» ֆիլմում Մաքս Քեդիի դերը կերտելու համար նա 20 հազար դոլար էր վճարել ատամնաբույժին՝ իր ատամները «փչացնելու» համար, իսկ ֆիլմի ավարտից հետո կրկնակի վճարել էր, որպեսզի դրանք վերականգնեին:

«Երբեք չեմ վերադառնա Ֆրանսիա».

1998 թ-ին Ֆրանսիայում նկարահանումների ընթացքում դերասանին հարցաքննել են՝ մարմնավաճառության կասկածանքով: Ավելի ուշ իր հարցազրույցներից մեկում Դե Նիրոն խոստովանել է, որ երբեք չի վերադառնա Ֆրանսիա:

Ռեստորանային բիզնեսը.

Ռոբերտ դե Նիրոն մի քանի ռեստորանների սեփականատեր է, որոնցից են՝ Ago-ն, Nobu-ն եւ Rubicon-ը:

27 կգ՝ հանուն դերի.

1980 թ-ին Raging Bull ֆիլմում Ջեյք Լա Մոտային մարմնավորելու համար դերասանը 27 կգ-ով ավելացրել է քաշը: Նա օրերով ուտում էր միայն սպագետի եւ պաղպաղակ:

Քաղցկեղին հաղթածը.

2003 թ-ին դերասանի մոտ հայտնաբերվել էր շագանակագեղձի քաղցկեղ: Նույն թվականին դե Նիրոյին վիրահատել են Memorial Sloan-Kettering քաղցկեղի կենտրոնում: Վիահատությունն ու բուժումը, բարեբախտաբար, հաջողությամբ են պսակվել:

Կուռքն էլ ունի կուռքեր.

Այսօր Ռոբերտ դե Նիրոն կուռք է շատ երիտասարդ դերասանների համար, իսկ իրեն ոգեշնչել են Մոնտգոմերի Քիլֆթը, Ռոբերթ Միթչումն ու Մարլոն Բրանդոն:

Այս թեմայով Այսօր Հայաստանը նշում է Անկախության օրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը Նախկին վարչապետի ընտանիքը սգում է ՇՏԱՊ. ՀՀ նախագահ անճանաչելիորեն փոխվել է. ՖՈՏՈ