Հայաստանը առաջատարն է տարածաշրջանում 1 մլն շնչի հաշվով կորոնավիրուսով վարակման և մահացության ցուցանիշով

Հայաստանը շարունակում է առաջատարը լինել տարածաշրջանում 1 մլն շնչի հաշվով կորոնավիրուսով վարակման, ինչպես նաև հիվանդությունից մահացության ցուցանիշներով:

Ինչպես հետևում է worldometers.info կայքի՝ պարբերաբար թարմացվող տվյալներից, օգոստոսի 16-ի դրությամբ՝ 1 մլն բնակչության հաշվով կորոնավիրուսով վարակման ցուցանիշը Հայաստանի համար կազմել է 14 057, մահացության ցուցանիշը՝ 276:

Վերջին տվյալների համաձայն՝ տարածաշրջանում 1 մլն շնչի հաշվով կորոնավիրուսով վարակման ցուցանիշներն ունեն հետևյալ տեսքը.

1. Հայաստան – 14 057

2. Ռուսաստան – 6323

3. Իրան - 4080

4. Ադրբեջան – 3371

5. Թուրքիա – 2952

6. Վրաստան – 335

Տարածաշրջանում 1 մլն շնչի հաշվով կորոնավիրուսից մահացության ցուցանիշներն այսպիսին են.

1. Հայաստան - 276

2. Իրան – 233

3. Ռուսաստան – 107

4. Թուրքիա –71

5. Ադրբեջան – 50

6. Վրաստան – 4

Հիշեցնենք, որ Հայաստանում օգոստոսի 16-ին հաստատվել է կորոնավիրուսով վարակվելու 16896, մահվան՝ 2 նոր դեպք․ վարակվածների ընդհանուր թիվը 41 663 է, մահվան դեպքերինը՝ 1061:

Մեկ օրում առողջացածների թիվը 100 է, ընդհանուր առողջացածներինը՝ 34,584, փաստացի բուժվողներինը՝ 6018 (մեկ օրում ավելացել է 66-ով): 

Նշենք նաև, որ կայքի տվյալների համաձայն՝ Հայաստանը 1 մլն բնակչության հաշվով կորոնավիրուսով վարակման ցուցանիշով ներկա պահին գտնվում է 13-րդ հորիզոնականում: Մեզ նախորդում են ԱՄՆ-ն, Բրազիլիան, Պերուն, Չիլին, Բահրեյնը, Կատարը, Ֆրանսիական Գվինեան, Սան Մարինոն, Վատիկանը, Քուվեյթը, Օմանը, Պանաման:

Այս թեմայով «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Այսօր Հայաստանը նշում է Անկախության օրը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար «Ժողովուրդ». Հովիկ Աբրահամյանի եղբայրը Հակակոռուպցիոն կոմիտեում ինքնախոստովանական ցուցմունք է տվել Թուրքիան երեխաների աղքատության ցուցանիշով Եվրոպայում 1-ինն է