5 փաստ ձմերուկի մասին, որոնցից դուք անտեղյակ եք

1. Ձմերուկի մեջ ավելի շատ լիկոպին կա, քան թարմ լոլիկի

Դա բավական կարեւոր է, քանի որ լիկոպինը ներգործում է ինչպես հակաօքսիդանտ. Այն կարող է կանխել քաղցկեղը եւ սրտանոթային հիվանդությունները: Հետազոտությունների համաձայն՝ ձմերուկի մեջ հակաօքսիդանտների մեծ մասը պահպանելու համար, անհրաժեշտ է դեռեւս չկտրված ձմերուկը պահել սենյակային ջերմաստիճանի պայմաններում:

2. Ձմերուկի հյութը օգնում է մկանային ցավի դեմ

Մարզումից հետո խմեք ձմերուկի հյութ, եւ այն նկատելիորեն կթեթեւացնի մկանային ցավերը: Դա տեղի է ունենում այն բանի հետեւանքով, որ ձմերուկի հյութում պարունակվում է ցիտրուլին՝ մարդու օրգանիզմի համար կարեւոր ամինաթթու, որի առկայությունից է կախված արյան ճնշման մակարդակը: Ձմերուկի հյութի հակաօքսիդանտային հատկությունը բարձրացնում է մկանային սպիտակուցների ավելացման պոտենցիալը:

3. Ձմերուկի կեղեւի օգտակար հատկությունները

Ձմերուկի թարմ կեղեւը օգտակար է գլխացավի դեմ: Իսկ չորացված կեղեւից եփուկ ու թուրմ են պատրաստում, որոնք օգնում են միզուղիների զանազան հիվանդությունների դեպքում: Այնպես որ՝ դեն մի նետեք ձմերուկի կեղեւը. ինչպես տեսնում եք, այն շատ օգտակար է:

4. Ձմերուկը ծարավը լավ է հագեցնում

Ձմերուկը հրաշալի կերակուր է: Ե՛վ կշտանում ես, ե՛ւ խմում, ե՛ւ լվացվում:

Ձմերուկի գլխավոր բաղկացուցիչը ջուրն է: Շատերը ծարավելիս ձմերուկ չեն օգտագործում քաղցր համի պատճառով, սակայն ձմերուկը, ի տարբերություն գազավորված ըմպելիքների եւ մրգային շատ հյութերի, շաքար չի պարունակում, որոնք օրգանիզմը դժվար է յուրացնում:

5. Կան դեղին ձմերուկներ

Ոչ բոլորը գիտեն, որ մանկությունից մեզ սիրելի կարմիր ձմերուկներից բացի, կան նաեւ այլ տեսակներ, որոնք ներսում վառ դեղին գույնի են: Արտաքուստ դրանք նման են կարմիրին, բայց համով պակաս քաղցր են:

Աղբյուրը՝ Klubber

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ԱՄՆ-ն սպառում է հրթիռները. Bloomberg Սիբիրում արթնանում է «քնած հսկան»․ գիտնականները զգուշացնում են գլոբալ վտանգի մասին