Ինչպես մեղմել կոկորդի ցավն ամռանը. երկու արդյունավետ միջոց

Կոկորդի ցավը սովորաբար ասոցացվում է ձմռան ցուրտ եղանակի հետ, սակայն ամռանն այս խնդիրը ոչ պակաս արդիական է։ Բանն այն է, որ ամռան շոգ եղանակին զովանալու համար մարդիկ հաճախ են սառը ըմպելիքներ ու պաղպաղակ օգտագործում, ինչը երբեմն բավական վատ հետևանքներ է ունենում՝ դառնալով կոկորդի ցավի ու տհաճ զգացողությունների առաջացման պատճառ։ Բացի այդ, օրգանիզմի վրա բացասաբար են անդրադառնում նաև օդորակիչներն ու միջանցիկ քամիները, որոնք ևս կարող են դառնալ առողջական խնդիրների պատճառ։ Նման դեպքերում կոկորդի ցավը մեղմելու համար մարդիկ որպես կանոն կիրառում են հատուկ բուժիչ օշարակներ ու սառնաշաքարներ, սակայն կան նաև շատ ավելի օգտակար ու ոչ պակաս արդյունավետ բնական միջոցներ, որոնք կօգնեն հեշտությամբ ազատվել տհաճ զգացողություններից։ Ձեր ուշադրությանն ենք ներկայացնում դրանցից երկուսը։

Կոկորդի ցավի դեպքում շատ արդյունավետ կարող է լինել նվենու թուրմը։ Այն պատրաստելու համար հարկավոր է 1 ճաշի գդալ նվենու տերևներին ավելացնել մի բաժակ եռման ջուր, թրմել մինչև հեղուկը սառչի, այնուհետև քամել։ Ստացված հեղուկը հարկավոր է օգտագործել կոկորդի ողողումների համար։

Կոկորդի ցավի առաջին իսկ նշանների դեպքում կարելի է նաև հում կիտրոն կիրառել։ Պարզապես հարկավոր է մի կտոր կիտրոնը դանդաղ ծամել ու կուլ տալ։ Ընդ որում՝ հատկապես օգտակար է մրգի կեղևը։ Սակայն հարկ է հիշել, որ կիտրոնն ուտելուց հետո մոտ մեկ ժամ ոչինչ չի կարելի որևէ բան ուտել կամ խմել, այլապես կիտրոնաթթուն ու եթերայուղերը չեն հասցնի ազդել։

Այս բնական միջոցները հասանելի են ու արդյունավետ, սակայն հարկ է հիշել, որ առողջական լուրջ խնդիրների և ուժեղ ցավերի դեպքում անհրաժեշտ է անպայման դիմել մասնագետին, քանի որ ինքնաբուժությունը կարող է խիստ վնասակար լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա պարզել խնդրի առաջացման պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru 

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Մանկատան երեխային ծեծի ենթարկած դայակի նկատմամբ խափանման միջոց է ընտրվել տնային կալանքը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան