ԺԱՐԳՈՆԱՅԻՆ ԼԵԶՈՒՆ ՆԵՐԱՌՈՒՄ ԵՆ ԴՊՐՈՑԱԿԱՆ ԴԱՍԱԳՐՔԵՐՈՒՄ. Ի±ՆՉ ԴԻՐՔՈՐՈՇՈՒՄ ՈՒՆԻ ԼԵԶՎԻ ԿՈՄԻՏԵՆ

Օրեր առաջ «Իրավունք» թերթը գրավոր հարցմամբ դիմեց ԿԳՄՍՆ լեզվի կոմիտեի նախագահ Դավիթ Գյուրջինյանին` ուղղելով հետեւյալ հարցը.

– Ֆեյսբուք սոցիալական տիրույթում բավականին ակտիվ եք: Պատրաստում եք բազմաթիվ հորդորակներ, անգամ վերջերս գիրք հրատարակեցիք` «Հանուն մեր նյարդերի» վերնագրով, որտեղ ամփոփել եք ձեր դիտարկումներն ու մտորումները` կապված լեզվական ամենատարածված սխալենրի հետ կապված: Պարոն Գյուրջինյան, համաձայն դպրոցական ծրագրերում արված նոր փոփոխության, դպրոցահասակներն այսուհետ անցնելու են նաեւ հայ ժամանակակից գրականություն, սակայն այդ նույն հայ ժամանակակից գրողներից շատերը, օրինակ` բանաստեղծ Մարինե Պետրոսյանը հիմնականում գրում է ժարգոնային լեզվով եւ «է» օժանդակ բայի փոխարեն հիմնականում գրում է «ա»: Դուք` որպես Լեզվի կոմիտեի ղեկավար, ինչպե՞ս եք գնահատում այս ամենը, եւ ի՞նչ քայլեր եք պատրաստվում ձեռնարկել ժարգոնային լեզուն դպրոցական ծրագրերում ներառելու գործընթացը խոչընդոտելուն, կամ առհասարակ պատրաստվո՞ւմ եք միջամտել: Ի պատասխան մեր հարցմանը, Լեզվի կոմիտեի նախագահ Դավիթ Գյուրջինյանն արձագանքել է հետեւյալ կերպ.  «Լեզվի մասին» ՀՀ օրենքը սահմանում է` «Հայաստանի Հանրապետության տարածքում գտնվող կրթական եւ ուսումնական համակարգերում դասավանդման եւ դաստիարակության լեզուն գրական հայերենն է»  հոդված 2, 1-ին պարբ.: Հանրակրթության պետական առարկայական չափորոշիչների եւ օրինակելի ծրագրերի նախագիծը դրված է հանրային քննարկման, ըստ այդմ էլ` այն ենթակա է փոփոխման, լրամշակման կամ բարելավման, քանի որ տակավին նախագիծ է: Հիմնավոր չէ ձեր այն կարծիքը, թե ժարգոնային լեզուն պատրաստվում են ներառել դպրոցական ծրագրերում»:

Պարոն Գյուրջինյանը նշում է, թե անհիմն է այն կարծիքը, որ ժարգոնային լեզուն պատրաստվում են ներառել դպրոցական ծրագրերում, սակայն մենք, ի տարբերություն շատերի, խոսում ենք փաստերով եւ հիմնավորված: Ակնառու է, որ դպրոցական նոր չափորոշիչներում ներառված գրող Մարինե Պետրոսյանը հիմնականում հանդես է գալիս ժարգոնային լեզվով (բավարար է կարդալ նրա գրվածներից մի քանիսը), սակայն Դավիթ Գյուրջինյանի համար այս ամենը դեռեւս հիմք չէ հետեւություններ անելու համար:

Ցավալի է...

ՀԱՅԿ ԳԵՎՈՐԳՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Դավիթ Համբարձումյանը դիմել է «Վեոլիա Ջուր» ընկերությանը բաց նամակի տեսքով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Մի քիչ թասիբ ունեցեք. Բաքվում գերության մեջ գտնվող Դավիթ Իշխանյանը՝ ՀՀ իշխանություններին