«ԻՐԱՎՈՒՆՔԻ» ՀԱՐՑՈՒՄԸ ԳԼԽԱՎՈՐ ԴԱՏԱԽԱԶԸ ՎԵՐԱՀԱՍՑԵԱԳՐԵԼ Է ՈՍՏԻԿԱՆՈՒԹՅԱՆԸ

«Իրավունք» թերթը ՀՀ գլխավոր դատախազ Արթուր Դավթյանից գրավոր հարցում էր ուղարկել հետեւյալ հարցի պատասխանը ստանալու համար. «Միքայել Մինասյանն իր արդեն հայտնի «Ստի վերջը» տեսաշարերից մեկում անդրադարձել էր մի պատմության, որը վերաբերվում է Նիկոլ Փաշինյանին պատկանող «Հայկական ժամանակ» թերթի ֆինանսավորմանը. Միքայել Մինասյանը մեղադրում է Նիկոլ Փաշինյանին շանտաժով փող աշխատելու մեջ, մասնավորապես ասելով. «Ես ուզում եմ ձեզ ասել, որ ես իմ կյանքում մի անգամ եմ ենթարկվել շանտաժի եւ դա արել եմ սխալ, որովհետեւ իրականում իմ ընտանիքի երջանկության համար ֆինանսավորել եմ հոգեբանական տեռորիստին»: Վերոնշյալ հայտարարության հետ կապված որեւէ ուսումնասիրություն գլխավոր դատախազությունում իրականացվե՞լ է, թե՝ ոչ»:

Երկար սպասելուց հետո ՀՀ գլխավոր դատախազության ավագ դատախազ, արդարադատության առաջին դասի խորհրդական Կ. Կարապետյանից գրավոր պատասխանի միջոցով ստացել ենք հետեւյալ պատասխանը. «Ձեր` գլխավոր դատախազին հասցեագրված հարցումը ուղարկվել է ՀՀ ոստիկանության քրեական գլխավոր վարչության պետ, ոստիկանության գնդապետ Ա. Կարապետյանին»:

Ամեն դեպքում, ֆիքսենք, որ Մ.Մինասյանը հրապարակավ միանգամայն հստակ մեղադրանք է ներկայացրել Նիկոլին: Այսինքն, իրավապահները պարտավոր են ուսումնասիրել` կա՛մ մեղադրանքը միանգամայն հիմնավոր ձեւով հերքել, որի դեպքում պետք է զրպարտության մեջ  մեղադրեն Մինասյանին: Կա՛մ մեղադրանքը հաստատեն, իսկ  դա կվերածվի Նիկոլին մեղադրող բավականին լուրջ քրեական գործի: Այլ օրինական տարբերակ իրավապահները չունեն: Կա նաեւ ոչ օրինական տարբերակ՝ մեղադրանքներն անտեսել: Կարող են նաեւ  ձեւացնել, թե ստուգում են անցկացնում, բայց իրականում ոչինչ չանեն: Այս դեպքում արդեն Նիկոլին ուղղված նոր մեղադրանք է ի հայտ գալու՝ այսպե՞ս են աշխատում նրա իրավապահները: Մի խոսքով, սպասենք, թե ոստիկանության գնդապետ Ա. Կարապետյանն այս տարբերակներից որ մեկն է ներկայացնելու:

ԻԼՈՆԱ ԱԶԱՐՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Երբ Փաշինյանի հետ լուսանկարը «մեղք» է, իսկ նրա գովքը՝ «հումոր» Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում ԾՆՈՒՆԴԴ ՇՆՈՐՀԱՎՈՐ ԱՐԹՈՒՐՍ. Մայոր Արթուր Ալավերդյանը կդառնար 34 տարեկան Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է