Մինչև նոյեմբեր կորոնավիրուսի դեմ ամերիկյան որևէ պատվաստանյութ դժվար կարգավորող մարմինների կողմից «կանաչ լույս» ստանա. ամերիկացի պաշտոնյա

ԱՄՆ Ազգային առողջապահության ինստիտուտի ղեկավար Ֆրենսիս Քոլինզը հայտարարել է, որ ամերիկացի մասնագետների կողմից մշակվող կորոնավիրուսի դեմ պատվաստանյութը դժվար թե մինչ նոյեմբեր գրանցվի, հայտնում է Reuters գործակալությունը։

Քոլինզի խոսքով՝  COViD-19-ի դեմ պոտենցիալ դեղամիջոցները, ամենայն հավանականությամբ, նոյեմբեր-դեկտեմբեր ամիսներից շուտ կարգավորող մարմինների կողմից հավանություն չեն ստանա:

Ըստ նրա՝ նման ժամկետները կապված են այն հանգամանքի հետ, որ մասնագետներին անհրաժեշտ է պատվաստանյութի մասշտաբային կլինիկական փորձարկումներ իրականացնել։ Նա հավելել է, որ հետազոտության համար մոտ 10 000 կամավոր անհրաժեշտ կլինի։ Փորձարկվողների նման քանակը կօգնի տեղեկություն հավաքել այդ վարակի դեմ դեղորայքի անվտանգության ու արդյունավետության մասին։

Ավելի վաղ ԱՄՆ նախագահ Դոնալդ Թրամփը հայտնել էր, որ ամերիկյան պատվաստանյութը հնարավոր է պետության ղեկավարի ընտրությունների օրը՝ նոյեմբերի 3-ին, կամ դրանից շուտ պատրաստ լինի։

Ինչպես ավելի վաղ հայտնել էր Tert.am-ը, ՌԴ նախագահ Վլադիմիր Պուտինն օրերս կառավարության անդամների հետ խորհրդակցության ժամանակ հայտարարել էր Ռուսաստանում կորոնավիրուսի դեմ աշխարհում առաջին պատվաստանյութի գրանցման մասին: Նշվում է, որ այն «Սպուտնիկ V» («Спутник V») անվանումն է ստացել՝ 1957 թվականին արձակված Երկրի առաջին արհեստական արբանյակի անվան նմանությամբ։

Tert.am

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել