Հայտնի է 6G ցանցի թողարկման տարեթիվը

Հարավային Կորեայի կառավարությունը հայտնել է, որ վեցերորդ սերնդի կապի պիլոտային նախագիծը 2026 թվականին է թողարկվելու, հայտնում է lenta.ru կայքը։

Աղբյուրը մանրամասնում է, որ երկրի վարչապետ Չոն Սե Կյունը նախարարների հետ հանդիպման ժամանակ պիլոտային ծրագրի թողարկման ժամկետների մասին է խոսել։ 6G ծրագրի ներդրման ռազմավարությունը հիմնվում է առաջատար տեխնոլոգիաների, անհրաժեշտ չափանիշների ապահովման և արտոնագրերի գրանցման վրա։ Հինգ տարվա ընթացքում այս ծրագրի իրականացման համար Հարավային Կորեայի բյուջեից 200 միլիարդ վոն է հատկացվելու։ Ֆինանսավորումը սկսվելու է 2021 թվականից։

Վարչապետի խոսքով՝ կառավարությունը 6G-ի ներդրման համար 10 ռազմավարական խնդիր պետք է լուծի, որոնց թվում է չափանիշի գերարտադրողականությունը և գերճշգրտությունը։ 2026 թվականի սկզբին նոր տեխնոլոգիաների գրանցումից հետո իշխանությունները կանցնեն պետության ցանցային ենթակառուցվածքներն արդիականացնելու նախագծի իրականացմանը։ Առաջին հերթին արդիականացվելու է 5 հիմնական ոլորտների՝ թվային առողջապահության, իմերսիվ կոնտենտի (առանց խոսնակների անձնական մասնակցության համաժողովների կազմակերպումը), անվարորդ մեքենաների, խելացի քաղաքների և խելացի արտադրության ոլորտների ենթակառուցվածքը։

Նախագծի հեղինակները հույս ունեն, որ տվյալների փոխանցման արագությունը 6G ցանցի կիրառման դեպքում կհասնի վայրկյանում մի տերաբայթի, ինչը 5 անգամ ավելի արագ է, քան 5G-ն։

Այս թեմայով Հայտնի են Պետդումայի ընտրությունների քվեարկության երկրորդ օրվա էքզիթ փոլի արդյունքները Նախկին վարչապետի ընտանիքը սգում է Հայտնի է Գյումրիում տեղի ունեցած ողբերգության մասնակիցների ինքնությունը. նրանցից մեկը ծառայում է ՀՀ-ում տեղակայված ՌԴ զորամասում ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Ucom-ը շարունակում է ցանցի լայնածավալ արդիականացումը՝ ընդլայնելով 5G ծածկույթն ու բարձրացնելով կապի որակը