Ասպիրինի ընդունումը կարող է արագացնել քաղցկեղի զարգացումը. գիտնականներ

Վերջերս անցկացված կլինիկական հետազոտությունները ցույց են տվել, որ չափազանց խորացած քաղցկեղով տարեցների մոտ ասպիրինի ընդունումը կարող է բարձրացնել հիվանդության հետագա զարգացման ու վաղաժամ մահվան հավանականությունը։ Ամերիկացի ու ավստրալացի մի խումբ գիտնականների անցկացրած հետազոտության արդյունքները հրապարակվել են Journal of the National Cancer Institute պարբերականում։

Գիտնականների անցկացրած գիտափորձին մասնակցել է 70 տարեկանից բարձր 19,1 հազար ամերիկացի ու ավստրալացի։ Հետազոտություններն սկսելու պահին մասնակիցները չեն ունեցել սրտանոթային հիվանդություններ, դեմենցիա կամ առողջական այլ խնդիրներ։ Գիտնականները մասնակիցներից պատահականության սկզբունքով բաժանել են երկու խմբի, որոնցից մեկի անդամներն ամեն օր ընդունել են փոքր չափաբաժնով ասպիրին  (100 մգ), իսկ մյուս խմբի մասնակիցներին գիտնականները պլացեբո են տվել։ Միջինում հետազոտությունները տևել են 4,7 տարի։

Գիտնականների խոսքով՝ ասպիրին ընդունած 981 մասնակցի և պլացեբո ընդունած 952 մասնակցի մոտ հետազոտությունների ընթացքում քաղցկեղ է զարգացել։ Ընդ որում՝խմբերի միջև չեն նկատվել զգալի վիճակագրական տարբերություններ քաղցկեղի զարգացման և դրա որոշակի տեսակների հետ կապված։ Սակայն մասնագետները նկատել են, որ ասպիրինի ընդունման դեպքում մետաստազավորվող քաղցկեղի հայտնաբերման վտանգը բարձր է 19 տոկոսով, իսկ զարգացման չորրորդ փուլում գտնվող քաղցկեղի ախտորոշման հավանականությունը՝ 22 տոկոսով։ Բացի այդ, զարգացման ուշ փուլերում հայտնաբերված քաղցկեղի դեպքում ասպիրինի ընդունումը բարձրացնում է մահվան հավանականությունը, մինչդեռ պլացեբոյի ընդունման դեպքում նման օրինաչափություն չի նկատվել։

Այս թեմայով Մենք չենք կարող գեղեցկացնել ընտրությունների արդյունքները, դրանք աղետ են. Մերց Ռուսական բանակը կարող է մտնել Զապորոժե այս ձմռանը. Ուկրաինական հրամանատար ՇՏԱՊ. 36-ամյա գործարարին մահացած են գտել. Հրապարակ ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար