Մինսկի կենտրոնում նոր ձերբակալություններ են սկսվել.

Մինսկում՝ մետրոյի «Պուշկինսկայա» կայարանի տարածքում, ներքին զորքերը սկսել են ձերբակալել ենթադրյալ ցուցարարներին, հայտնում է РИА Новости-ն։

Նշվում է, որ ներքին զորքերի զինվորները հետ են մղել ցուցարարներին։ Աստիճանաբար քաղաքի կենտրոնում մարդիկ ավելի ու ավելի են շատանում, սակայն ուժայինները փորձում են խանգարել նրանց հավաքվել մի վայրում։

Զինվորականները զինված են ռետինե փամփուշտների համար նախատեսված հրացաններով և լուսաձայնային նռնակներով, սակայն առայժմ դրանք չեն կիրառվում։

Հիշեցնենք, որ բողոքի ցույցերը Բելառուսում սկսվել են օգոստոսի 9-ին: Նախագահական ընտրությունների արդյունքների հրապարակումից հետո քաղաքացիներն ու ընդդիմության կողմնակիցները են դուրս եկել փողոց՝ արտահայտելու իրենց դժգոհությունը իշխանությունների և ընտրակեղծիքների դեմ: Որոշ վայրերում բողոքի ակցիաները վեր են ածվել փողոցային անկարգությունների: Կան բազմաթիվ ձերբակալվածներ և վիրավորներ:

Ըստ պաշտոնական տվյալների՝ ցուցարարներից մեկը մահացել է, երբ պայթուցիկ սարքը պայթել է ձեռքում: Իրավապահները բերման են ենթարկել շուրջ 3000 մարդու, ում սպառնում է 8-15 տարվա ազատազրկում զանգվածային անկարգություններ հրահրելու և իրավապահների դեմ ուժ կիրառելու համար: Ըստ  ԿԸՀ-ի տվյալների` ընտրություններում հաղթող է դարձել գործող նախագահ Ալեքսանդր Լուկաշենկոն՝ հավաքելով ձայների ավելի քան 80 տոկոսը, իսկ նրա հիմնական մրցակից Սվետլանա Տիխանովսկայան ստացել է ձայների 10 տոկոսը: 

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Մոսկվայում բենզինի վաճառքի նոր սահմանափակում է մտցվել Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը