«Դարձյալ ո՞վ է ցանկանում մեր պարտությունը: Ռուսաստանը». Դոնալդ Թրամփ

ԱՄՆ-ի նախագահ Դոնալդ Թրամփը պնդում է, որ Ռուսաստանն ու Չինաստանը ցանկանում են իր պարտությունը նոյեմբերին կայանալիք ընտրություններում: «Չինաստանը շատ խիստ ցանկանում է, որ մենք պարտվենք:

Եվ գիտե՞ք, թե էլի ով ուրախ չէ մեր հաղթանակի համար: Ռուսաստանը»,- հայտարարել Է Միացյալ Նահանգների նախագահն օգոստոսի 10-ին Սպիտակ տանը կայացած մամուլի ասուլիսում: Թրամփի խոսքով՝ Մոսկվան դժգոհ է, որ իր շնորհիվ ՆԱՏՕ-ին հաջողվել է ավելացնել վճարները կազմակերպության բյուջե: Բացի դրանից, ԱՄՆ-ը, Միացյալ Նահանգների նախագահի կարծիքով՝ դարձել է ավելի ուժեղ ռազմական առումով, ինչպես նաեւ դարձել է առաջատար էներգետիկայի ոլորտում: «Ես բացահայտեցի խողվակաշարի շուրջն ահավոր համաձայնագիրը Գերմանիայի եւ Ռուսաստանի միջեւ:

Ոչ ոք նույնիսկ չգիտեր «Հյուսիսային հոսք – 2» խողովակաշարի գոյության մասին: Ոչ ոք այդ մասին չգիտեր, ոչ ոք այդ մասին չէր խոսում»,- համոզված է Թրամփը: «Այնպես որ Ռուսաստանը գոհ չի լինի, եւ ես կարող եմ ասել, որ Չինաստանը գոհ չի լինի»,- հավելել է Սպիտակ տան ղեկավարը: Թրամփը նաեւ հայտարարել է, որ ԱՄՆ-ը մեկ ամսվա ընթացքում համաձայնության կհասնի Իրանի հետ իր վերընտրման դեպքում: «Եթե նոյեմբերի 3-ին մենք շահենք, մենք Իրանի հետ գործարք կկնքենք մեկ ամիս անց: (…) Չինաստանը ցանկանում է, որ մենք տանուլ տանք: Դարձյալ ո՞վ է ցանկանում մեր պարտությունը: Ռուսաստանը»,- պնդել է Թրամփը, հաղորդել է ՏԱՍՍ-ը:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Թող մեր եռագույնը միշտ հպարտ ծածանվի ազատ և խաղաղ երկնքի տակ ՇՏԱՊ. 36-ամյա գործարարին մահացած են գտել. Հրապարակ Զելենսկին կրկին ցանկանում է «հաղթել Ռուսաստանին 40 օրում»