Բելառուսի ՆԳՆ-ն հայտարարում է, որ փողոցը վերահսկողության տակ է վերցվել (Տեսանյութ)

Օգոստոսի լույս 10-ի գիշերը Բելառուսի ՆԳՆ-ն հայտարարություն է տարածել, որում հայտնել է, որ լիովին վերահսկում է Մինսկում եւ երկրի այլ խոշոր քաղաքներում բողոքի ակցիաների հետ կապված իրավիճակը:
Բելառուսի միլիցիայի ողջ անձնակազմը տեղափոխվել է ծառայության ուժեղացված ռեժիմի, ներգրավվել են իրավակարգի ապահովման լրացուցիչ ուժեր: Գերատեսչությունում հաստատել են, որ ուժայինները ստիպված են եղել հատուկ միջոցներ կիրառել անկարգությունների մասնակիցների դեմ։
«Իրավիճակը Մինսկում եւ մարզային քաղաքներում լիովին վերահսկելի է, Կան ձերբակալվածներ… Իրավապահները ստիպված են եղել հատուկ միջոցներ կիրառել անկարգությունների մասնակիցների դեմ, կիրառվել են Հատուկ տեխնիկա եւ աղմկոտ նռնակներ»,- հայտնել Է Բելառուսի ՆԳՆ մամուլի քարտուղար Օլգա Չեմոդանովան։
Գիշերը ժամը 3-ի սահմաններում ցուցարարների մեծ մասը լքել են Մինսկի կենտրոնական մասը, փողոցներում սկսել են վերականգնվել ավտոմեքենաների երթեւեկությունը:
Ի դեպ, Լուկաշենկոյի հակառակորդներն ակնհայտորեն չեն պատրաստվում հանձնվել. երեկ կայացած ընտրություններում նրա գլխավոր մրցակից Սվետլանա Տիխանովսկայան հայտարարել է, որ իր թիմի հաշվարկներով նա հաղթանակ է տանում: Ընդդիմության մեկ այլ ներկայացուցիչ, որը չի կարողացել գրանցվել ԿԸՀ-ում, Վալերի Ցեպկալոն հայտարարել է, որ կեղծիքները կազմել են 70 տոկոս եւ Բելառուսի ժողովրդին «դեմքին թքել են»:

Այսօր երկրի ԿԸՀ-ն պետք է հայտարարի ընտրությունների պաշտոնական արդյունքները (նախնական տվյալներով գործող նախագահ Ալեքսանդր Լուկաշենկոն հսկայական տարբերությամբ հաղթում է առաջին փուլում): Ընդդիմության կողմնակիցները մտադիր են այսօրվանից օրվանից երկրում համազգային գործադուլ կազմակերպել, բողոքի այդ ձեւի հետ ավելի մեծ հույսեր են կապում, քան խոշոր քաղաքներում երեկ երեկոյան տեղի ունեցած ելույթներին:

Նշենք նաեւ, որ երեկ երեկոյան Մինսկի կենտրոնում՝ Մաշերովի պողոտայի եւ Ստորեժկովսկայի փողոցի խաչմերուկում, որտեղ Բելառուսի նախագահի ընտրություններից հետո բաղաքի ակցիաներ էին սկսվել, հզոր պայթյուններ են որոտացել (տեսանյութում)։ Մի շարք աղբյուրներ շտապեցին ենթադրություն հըայտնել, որ նպատակը ակցիաներին էլ ավելի սուր բնույթ հաղորդելն է՝ հանրությանը համոզելով, թե ուժայինները գրոհում են ժողովրդր վրա։

Այս թեմայով Ձեռնարկվում են միջոցառումներ Բաբաջանյան փողոցի վիճաբանության հանգամանքները պարզելու ուղղությամբ․ ՆԳՆ Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թող մեր եռագույնը միշտ հպարտ ծածանվի ազատ և խաղաղ երկնքի տակ ՇՏԱՊ. 36-ամյա գործարարին մահացած են գտել. Հրապարակ