Սինանյանի, մի քայլից ավել մտածել չկարողանալու վտանգների մասին. Արշակ Սադոյան

«Ես որպես կանոն դավադրությունների տեսությունների կողմնակիցը չեմ: Եվ ինչպես համաճարակի, կրթական լուրջ վտանգ ներկայացնող չափորոշիչների ընդունման հետ կապված, այնպես էլ համազգային խնդիրներին առանչվող Սփյուռքի գործերով հանձնակատարի վերջին խնդրահարուց հայտարարության հետ կապված հարցերում չեմ կարծում, որ առկա է արտաքին դավադիր ուժերի ազդեցությունը: Այլ բոլոր այդ դեպքերում էլ առաջին հերթին առկա է խելքի, աշխարհայացքային պատկերացումների, գաղափարական համոզմունքների, հիմքերի, ինչպես նաեւ ուղակի մտածել կարողանալու կարողության պակասը:

Ինչ վերաբերում է Զարեհ Սինանյանի վերջին հայտարարությանը, կարող եմ ասել հետեւյալը. ես մի քանի անգամ հանդիպել եմ նրա հետ եւ ուզում եմ նախ սկսել նրանից, թե ինչ տպավորություններ եմ ստացել այդ հանդիպումներից: Առաջին հայացքից ինձ թվում էր, թե նա կարողանում է ուշադիր լսել, հասկանալ ինչ է ասում զրուցակիցը: Բայց երբ նա փորձում էր հստակ տրված հարցերին մի կերպ պատասխաններ փնտրել, շատ արագ ինձ պարզ դարձավ, որ նա չի էլ փորձել հասկանալ հարցերի խորքային բովանդակությունը, այլ այդ ընթացքում զբաղված է եղել նրանով, որ փորձում է իր համար պարզել` ինչ օգուտ կարող է քաղել հարց տվողից, պետք է արդյոք դրական, թե բացասական տոնով ինչ-որ բան պատասխանել, թե խոստանալ, որ հետագայու կմտածի դրա մասին:

Երբ ես այդ տեսնելով փորձում էի որոշակի գաղափարների, ծրագրերի մասին իր անձնական, անմիջական կարծիքը հարցնել, ինձ համար արդեն լրիվ պարզ դարձավ, որ նա ընդհանրապես չի էլ անդրադարձել դրանց, իր սեփական, մտածված, մարսված համոզմունքները չունի, ոչ համաշխարհայնացման գործընթացների, ոչ ազգապահպանման, ոչ էլ համազգային այլ լուրջ խնդիրների մասին:

Ամեն մի հանդիպումից, նրա ամեն մի հրապարակային ելույթից հետո՝ ես ինձ հարց էի տալիս`լավ Փաշինյանը չի տեսնում ով ով է, ինչ կարողություններ ունի: Թե ինչ-ինչ պատճառներով ստիպված է հանդուժել նրան:

Համբերության բաժակն էլ է լցվում: Հետո ինչ որ նա ինչ-որ ժամանակ Գլենդելի քաղաքապետն է եղել եւ ինչ-որ կենցաղային հարցերով օգտակար է եղել հայ համայնքին: Բայց նրա գիտելիքները, կարողությունները չեն հերիքում, որ նա 10 միլիոն հայության համախմբման, Հայ ազգ կազմակերպության ձեւավորման հարցերով զբաղվի: Նրա վերջին հայտարարությունն էլ բավարար է, որ մենք համատեղ պահանջենք, պարտադրենք, որ Վարչապետը վերջապես հեռացնի նրան այդ պաշտոնից», - այս մասին գրում է Հանրային խորհրդի անդամ, քաղաքական, հասարակական գործիչ, Գերագույն խորհրդի եւ Ազգային ժողովի նախկին պատգամավոր ԱՐՇԱԿ ՍԱԴՈՅԱՆԸ:

Այս թեմայով Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Արթիկում՝ 4 քաղաքական ուժ, Ախուրյանում՝ 1․ ավարտվել են ՏԻՄ ընտրությունների առաջադրումները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան