Ռուսները, ամերիկացիները, թուրքերը մեղավոր չեն, որ հայերն իրենց ձեռքով իրենց պատմությունն են ոչնչացնում. Նիկողոսյան

«Միր» միջազգային հումանիտար հիմնադրամի ղեկավար, ռուսաստանաբնակ գործիչ ԱՆԴՐԱՆԻԿ ՆԻԿՈՂՈՍՅԱՆԻ գնահատմամբ՝ Մայր Հայրենիքը բազմակի ճյուղերով մեծ դերակատարություն ունի Սփյուռքում ձեւավորված հայ համայնքների կյանքում, բայց այդ ճյուղերից հիմնականը, որով Սփյուռքը կապվում է Մայր Հայրենիքի հետ, եկեղեցին է եւ մշակույթը:

- Չունենք որեւիցե մի երկիր, որտեղ հայկական Սփյուռքը եկեղեցի չունենա, եկեղեցին մեր հայ մնալու անձնագիրն է: Եվ չունենք Սփյուռքում մի եկեղեցի, որտեղ չդասավանդվեն Հայոց լեզու, Հայոց պատմություն եւ Հայ եկեղեցու պատմություն: Այս տեսանկյունից այն, ինչ տեղի է ունենում Մայր Հայաստանում հանրակրթական նոր չափորոշիչների հետ կապված, բոլորիս համար անընդունելի է: Կոչ եմ անում Սփյուռքում ապրող հայերին շատ ամուր պահել կապը Հայ Առաքելական եկեղեցու հետ, որովհետեւ եկեղեցին է պահում մեր ինքնությունը: Մինչդեռ այսօր որոշ մարդիկ խոսում են, թե Հայ եկեղեցու պատմություն դասավանդել պետք չի:  Մենք հավատացյալ ժողովուրդ ենք եւ ցանկացած ագրեսիայի, պատերազմի, դժվար ժանանակ ամեն ինչ հաղթահարել ենք, երբ միասնական ենք եղել: Բայց երբեք չես կարող հաղթանակ կերտել, եթե հավատք չունես: Մեր պատմության մեջ չկա մի զորավար, որն անհավատ է եղել ու պատերազմ է հաղթել: Զինվորի եւ ցանկացած տեսակ զենքից առավելություն ունի հավատքը եւ եկեղեցին, որովհետեւ մարդիկ կյանք են զոհաբերել ի սեր հայրենյաց, ի սեր հավատո: Ու մենք այսօր մեր պատմությունի՞ց ենք հրաժարվում: Ժողովուրդը պետք է գիտակցի, պետք չէ տաքագլուխների ու ցանցառամիտների խելքին ընկնել, մենք հաղթանակ կերտած ժողովուրդ ենք եւ պետք է դառնանք դեպի մեր հավատքը: Որ օրը, որ րոպեին մեր ժողովուրդը վերադարձավ իր եկեղեցուն, իր հավատքին, այն ժամանակ էլ կդառնա միասնական եւ բոլոր բնագավառներում իր հաղթանակները կկերտի: Բայց քանի դեռ այդ հավատքն ամրապնդված չէ, միշտ դժվար ճանապարհներով ենք անցնելու:

- Պարոն Նիկողոսյան, ակնհայտ է, որ այս կրթական չափորոշիչներով կոնկրետ ապազգային ծրագիր է իրականացվում: Ո՞վ է դրա մեղավորը:

- Այս ամենի դեմը պետք է առնի Հայաստանի ժողովուրդը՝ նույն ՀՀ հպարտ քաղաքացիները: Ռուսները, ամերիկացիները, թուրքերը մեղավոր չեն, որ հայերն իրենց ձեռքով իրենց պատմությունն ու ինքնությունն են ոչնչացնում, ավանդական արժեքներն ու հավատն են վերացնում: Սա անում են հայերը հայերի ձեռքով, սա արվում է Հայաստանի ժողովրդի կողմից ընտրված իշխանությունների կողմից: Երբ ժողովուրդը սա կգիտակցի, այդ ամեն ինչին վերջ կդրվի: Հակառակ դեպքում՝ մեզ դեռ շատ ավելի վտանգավոր ու ծանր օրեր են սպասվում:

ՀՐԱՆՏ ՍԱՐԱՖՅԱՆ

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Ռուսաստանը կարող է հարձակվել ՆԱՏՕ-ի տարածքի վրա «ամիսների ընթացքում, այլ ոչ թե տարիների». Չեխական հակահետախուզություն ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Հուսիթները խոցել են Էր-Ռիադի միջազգային օդանավակայանի վառելիքի բազան