Առանց թույլտվության զինվորական համազգեստի կրումն` անարգանք է ՀՀ նկատմամբ. Սարկիսով

«ՀՀ ԶՈւ հաստատված համազգեստն ու տարբերանշանները։ Սա իմ համազգեստն է՝ հրետանավորի տարբերանշաններով։ Համազգեստ հագնում եմ բացառապես հաշված օրերում՝ մարտական դիրք այցելելիս կամ էլ որեւէ զինվորական միջոցառման ժամանակ։ Այն մեծ հպարտությամբ եմ պահում իմ զգեստապահարանում, կարելի է ասել Համազգեստն իմ զգեստապահարանի ամենաթանկ Հագուստն է...

Սակայն, ցավով պետք է արձանագրեմ այն, որ համազգեստը, կարծես թե, գնալով արժեզրկվում է, յուրաքանչյուր քնից նոր արթնացած, վառած բարութի հոտը չառած, կրակոցի ձայնը չլսած, զինվորական պարտադիր ծառայություն չկատարած անձինք, ինչպես նաեւ այն անձինք, ովքեր սպա չեն եղել կամ պայմանագրային հիմունքներով ԶՈւ շարքերում չեն ծառայել՝ աջ ու ձախ համազգեստ են կրում։

Անհայտ ծագման անձինք իրավունք չունեն կրելու ՀՀ ԶՈւ հաստատված Համազգեստ, համազգեստի ատրիբուտիկա. դա անարգանք է առաջին հերթին ՀՀ հանդեպ, հետո այն անձանց, ովքեր ԶՈւ-երի շարքում են, նրանց նկատմամբ՝ ովքեր զորացրվել են, մի խոսքով նրանց նկատմամբ, ովքեր գիտեն, թե ինչ արժե Համազգեստը, որքան թանկ է համազգեստ կրելը։

Կարծում եմ, մենք էլ պետք է հետեւենք մեր հարեւան վրացիների օրինակին եւ սահմանենք վարչական պատասխանատվություն, ինչու ոչ, անհրաժեշտության դեպքում, նաեւ քրեական պատասխանատվություն՝ ՀՀ ԶՈւ հաստատված Համազգեստի նկատմամբ անհարգալից վերաբերմունքի համար, այո՛, առանց թույլտվության համազգեստի կրումն անարգանք է ՀՀ նկատմամբ», - այս մասին գրում է ապրիլյան պատերազմի մասնակից, իրավաբան ՀՐԱՆՏ ՍԱՐԿԻՍՈՎԸ եւ, որպես հետգրություն, հավելում. «Երբ լինեմ Օրեսնդիր մարմնի անդամ կամ օրենսդրական նախաձեռնության իրավունք ունենամ, ապա այս կարեւորագույն հարցի լուծումը լինելու իմ կողմից կատարվող առաջին նախաձեռնություններից մեկը»։

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թող մեր եռագույնը միշտ հպարտ ծածանվի ազատ և խաղաղ երկնքի տակ Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել