Բրիտանացին վիճակախաղով 1 մլն ֆունտ է շահել աշխատանքից ազատվելու հենց հաջորդ օրը (լուսանկարներ, տեսանյութ)

Բրիտանացի Դևիդ Ադամսը վիճակախաղով ջեքփոթ է շահել: Նշվում է, որ նա 1 մլն ֆունտ ստերլինգը շահել է աշխատանքից ազատվելու հենց հաջորդ օրը, գրում է բրիտանական The Sun-ը: 

Ինչպես գրում է պարբերականը, մինչ այս խոշոր շահումը, տղամարդու կյանքում դժվարին շրջան էր: Մեկ տարի առաջ նրա կնոջ մոտ ախտորոշել են ցրված սկլերոզ, և կինը ստիպված է եղել թողնել սիրելի աշխատանքը, ինչը հարված է հասցրել ընտանեկան բյուջեին: 

Չորս ամիս առաջ սրտի նոպայից մահացել է նրա հարսը, դրանից մեկ ամիս անց կորոնավիրուսի հետևանքով մահացել է եղբայրը: Անձամբ Ադամսն էլ շահումից մեկ օր առաջ կորցրել է ատաղձագործի իր աշխատանքը:

«Երբեք, անգամ ամենահամարձակ երազներում մենք չենք մտածել, որ մի օր 1 մլն ֆունտ կշահենք»,- խոստովանել է տղամարդը:

«Դևիդը մտավ մեր ննջարան և հարցրեց, թե արթնացե՞լ եմ արդյոք, ես էլ բարկացած ասացի այո: Սակայն երբ նա վառեց լույսը, և ես տեսա, որ նա ցնցվում է, իմ բարկությունը վերաճեց անհանգստության, և ես հարցրի՝ ի՞նչ է կատարվում նրա հետ: Ի պատասխան նա ասաց, որ մենք վիճակախաղով շահել ենք»,- պատմել է Ադամսի կինը:

Շահած գումարով զույգը ցանկանում է մեկնել Կանադա, որտեղ ապրում են իրենց հարազատները, և մեքենա գնել:

Տեսանյութը կարող եք դիտել այստեղ:

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Վիրավոր իմ Հայաստան, դու դեռ ուղղելու ես քո ողնաշարը Արա՛, ձենդ մի բարձրացրու. հերիք ա զոհվածների անունները շահարկեք. իրավիճակը լարվեց Եռաբլուրում (Տեսանյութ) Այսօր Հայաստանը նշում է Անկախության օրը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը